web counter
LEXO PA REKLAMA!

SHKARKO APP

App Store
Google Play

E fundit!

x

Raporti i Progresit për Shqipërinë/ Balluku: Jemi krenarë për atë që kemi arritur

13 Tetor 2022, 11:00, Aktualitet CNA

Raporti i Progresit për Shqipërinë/ Balluku: Jemi krenarë

Zëvendëskryeministrja, Belinda Balluku, ka pritur ambasadoren e Delegacionit të Bashkimit Europian, Christiane Hohmann, e cila i ka dorëzuar Raportin e Progresit 2022 për Shqipërinë.

Në konferencën e përbashkët për shtyp, Balluku ka thënë se në asnjë moment nuk kemi pasur iluzione të gabuara në rrugën tonë drejt integrimit.

"Kemi vendosur të punojmë të palodhur në këtë rrugë dhe përballë sprovave. Në 19 korrik Shqipëria nisi negociata teknike me BE-në. Kjo ishte fitorja e punës së palodhur të institucioneve tona. Raporti i vitit 2022 për Shqipërinë pasqyron njohjen e angazhimit të vazhdueshëm, arritjeve e reformave dhe qëndrueshmërisë së Shqipërisë për të ecur drejt rrugës së BE-së”, është shprehur Balluku.

Sipas saj, Shqipëria vazhdon rrugën e negociatave dhe ka vazhduar të ruajë fokusin e përgjithshëm në agjendën e BE-së dhe pavarësisht ngërçeve të fundit, administrata e ka shfrytëzuar këtë periudhë për të përparuar.

“Shqipëria do të përparojë më shpejt se vendet e tjera të rajonit, kam bindjen. Raporti rendit arritjet në luftën kundër korrupsionit dhe krimit të organizuar. Duhet të jemi krenarë për atë që kemi arritur në vitin 2022 pa lënë pas angazhimet tona. Kemi të gjithë vullnetin që ta përshkojmë këtë rrugëtim sfidues”, është shprehur Balluku./CNA.al

 





Lajmet e fundit nga