Amnistia fiskale dhe “pasaportat e arta”/ Balluku i kundërpërgjigjet “sy më sy” ambsadores së BE-së

13 Tetor 2022, 11:32, Aktualitet CNA

Amnistia fiskale dhe “pasaportat e arta”/ Balluku i

Në raportin e progresit 2022, Qeverisë shqiptare i tërhiqej veshi për amnistinë fiskale dhe pasaportat e arta.

Edhe sot ambasadorja e BE-së, Christiane Hohmann, i ka prekur këto dy çështje, gjatë konferencës për shtyp me zëvendëskryeministren Belinda Balluku.

“BE respekton sovranitetin e cilitdo shtet për të vendosur se çfarë skemash do të ketë për dhënien e nënshtetësisë. Por kjo lloj skeme do të vinte në pah disa risqe që janë shprehur qartë në rajon. KE sugjeroi që shtetet t’i jepnin fund dhënies së nënshtetësisë në këtë lloj forme. Secili shtet duhet të vendosë vetë se si do të vazhdojë me këtë çështje. Për sa i përket amnistisë fiskale, ne po vijojmë bisedimet”, ka thënë Hofman.

Por, sipas Ballukut, sa i përket amnistisë fiskale, vlerësimi në raport është hipotetik.

“Pra mund të vërë në rrezik progresin në luftën kundër pastrimit të parave dhe është e paevitueshme që ky vlerësim të jetë hipotetik duke qenë që sot e kësaj dite mbetet akoma një draft që e kemi të hapur për diskutim, me partnerët tanë. Ne e garantojmë ambasadoren dhe Komisionin që ky do të jetë një progres që do të vijojë diskutimet dhe nuk do të qëndrojmë pa marrë parasysh qëndrimet e Komisionit”, ka thënë Balluku.

Edhe për të ashtuqujaturat “pasaporta të arta”, Balluku ka sqaruar se i janë vendosur vendeve të tjera të BE, të cilat sot e kësaj dite i kanë këto programe nën proces.

“Për pasaportat e arta u jemi referuar praktikave të vendeve të tjera të BE-së, të cilat sot e kësaj dite i kanë këto programe nën proces, vazhdojnë dhe i aplikojnë. Ne uv jemi referuar atyre për atë që i sjellin endit dhe benefitet që kanë marrë duke u bazuar në eksperiencat më të mira të këtyre vendeve europiane”, është shprehur Balluku.

Në fund Balluku ka garantuar se kritikat dhe shqetësimet do të lexohen me vëmendje.

“Ju garantojmë si qeveri shqiptare që raporti do të lexohet me vëmendje dhe institucionet e përfshira do të adresojnë shqetësimet apo sfidat që ju keni paraqitur në këtë raport. Ku rrugëtim është i vështirë, por jo i pamundur për shqiptarët”, tha Balluku./CNA.al