LEXO PA REKLAMA!

SHKARKO APP

U pyet për kreun e ri të SPAK/ Rama nuk pranon të flasë: S’më intereson

13 Dhjetor 2022, 18:53, Aktualitet CNA
U pyet për kreun e ri të SPAK/ Rama nuk pranon të flasë:
Kryeministri Edi Rama

Kryeministri Edi Rama është pyetur nga gazetarët në lidhje me garën për zgjedhjen e kreut të ri të SPAK, pas një mbledhjeje që zhvilloi me drejtuesit e qarqeve.

Por Rama ka injoruar totalisht këtë çështje dhe nuk e la gazetaren që të dërgojë pyetjen deri në fund.

“Zoti Rama jemi në prag të zgjedhjeve për kreun e ri të SPAK...”, u shpreh gazetarja e ndërprerë nga kreu i qeverisë, i cili tha shkurtimisht “nuk më intereson fare” dhe u largua menjëherë.

Kujtojmë se kreu i ri i SPAK do të zgjidhet me 16 dhjetor. Në lidhje me garën ka pasur disa deklarata dhe thirrje të forta nga ambasadorja e SHBA në Tiranë, Yuri Kim.

Për këtë çështje është spekuluar nga politikanët dhe analistët që mund të ketë pasur edhe përplasje mes Yuri Kim dhe kryeministrit Rama./ B.A. - CNA.al

 

Lajmet e fundit nga