Tërbohet Ylli Manjani

10 Mars 2026, 13:13, Aktualitet CNA

Ylli Manjani, njeriu që ka kapërcyer disa herë "ylberin", që nga ish-zyrtar i Fatos Nanos, u bë me LSI-në, më pas u kthye te PS-ja, dhe më pas sërish te LSI, për të kaluar te Sali Berisha dhe më pas te Rama, ndërsa së fundi ka përfunduar ushtar i Veliajt, është tërbuar në rrjetet sociale se i kanë renditur faktet se si e ka krijuar karrierën e tij politike dhe që e nxjerrin blof sa herë mashtron publikisht nëpër emisione.

Manjani, i njohur si avokat i “krimit”, në postimin e tij të fundit në rrjetet sociale ka degjeneruar me fjalorin.

Por sado që Manjani të tentojë të luajë rolin e të indinjuarit, duhet të kuptojë se njerëzit nuk janë budallenj.

E dinë karrierën e tij që dje shante Edi Ramën dhe sot i lëpihet Erion Veliajt.

Ndaj ndjekësit që reagojnë të jenë etikë dhe të mos i përgjigjen gjuhës së tij kur ai shan në mënyrë rrugaçërore si në postimin e tij të fundit.

"Edhe njëherë po ua përsëris, nuk jam unë ai që ka ndryshuar mendimin kritik mbi drejtësinë dhe mungesën e proçesit të rregullt.

Kam nja 10 vite e kusur që them të njëjtat gjëra. Për arrestin e ekzagjeruar me burg, për proçese të parregullta e akuza të sforcuara. E kam bërë këtë sepse menyra ime e të menduarit është si e një avokati, pra kritike.

Nuk po llogaris këtu vitet e kontributit tim direkt në politikë dhe detyra publike, ku edhe atje kam menduar e jam shprehur si avokat jo si militant.

Nëse të kesh mendim kritik e ta artikulosh atë të bën avokat të krimit, ashtu qofsha! Unë avokat jam dhe avokat kam qenë edhe kur se kam ushtruar profesionin aktivisht. Nëse tezat dhe kritikat e mia quhen krim, atëhere jam dhe avokat i këtij "krimi".

Por unë nuk heq dorë prej tyre sepse i besoj ato. I artikuloj gjithmonë, ka apo jo rast konkret.

Ata që keni ndryshuar jeni ju që më gjykoni mua sipas interesit tuaj militant.

Kur tezat e deklarimet e mia publike u kanë shkuar për shtat na lavdëronit deri në neveri. Kur të njëjtat teza e deklarata i pëlqejnë kundërshtarit tuaj, u dukem "i shitur" dhe që kam ndryshuar!!!

Kontrolloni veten, pash hatrin e zotit e mos na neverisni pafund se s'ua kam borxh!

Jeni ju që ndryshoni në këto gjëra, jo unë! Ndryshoni sipas tifozllëkut politik idiot.

Imuniteti, arresti, akuzat me kallëzime politike, kontrollet e përgjimet kuturu, përhapja e të dhënave hetimore në media, gjyqet popullore etj, etj,etj, janë teza që i kam artikukuar gjithmonë. Njësoj. Me të njëjtin ton. Modestisht si unë askush tjetër, për nga konsistenca e deteminizmi.

Si për Berishën ashtu edhe për Ballukun. Njësoj edhe për të gjithë të tjerët. Për rastin Beleri jam shpallur konsensualisht armik i kombit... hahahahaha.. Në fakt jam armik i kombit patr-idiot.

Por e kam bërë këtë gjë edhe për raste rutinë që skanë akses në media, sepse ato janë prova publike e tezave të mia kritike të artikuluara.

Nuk u pëlqen, ose u pëlqen juve sipas interesit militant, është punë për ju. Për ndryshimet tuaja (hormonale politike) nuk u kam unë asnjë borxh.

Kurse sharësve, e dinë vetë ata...

Ku ti kenë!

Bye!", shkruan Manjani. / CNA