web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Gërdeci”/ Fatmir Mediu paraqitet në GJKKO  

10 Mars 2026, 09:08, Aktualitet CNA

Kreu i PR-së, Fatmir Mediu, është paraqitur sot në GJKKO ku do të zhvillohet seanca e radhës për çështjen "Gërdeci".

Gjatë një konference për shtyp pak ditë më parë Mediu reagoi lidhur me çështjen e Gërdecit, duke theksuar se asnjë provë nuk e lidh atë me shpërthimin tragjik.

Ai deklaroi se Prokuroria dhe SPAK-u i kanë hetuar atë dhe familjarët e tij në çdo aspekt 360 gradë, duke përfshirë çështje private dhe shëndetësore.

“Prokuroria e ka provuar në mënyrë përfundimtare se nuk kam qenë i përfshirë në asnjë akt korrupsioni. Akuza ndaj meje nuk ka lidhje me shpërthimin në Gërdec, por lidhet me çështje ushtarake dhe jo me detyrat dhe funksionet e ministrit”, tha Mediu.

Ai shtoi se gjatë këtyre 18 viteve janë zhvilluar mbi 10 procese gjyqësore, por nuk është gjetur asnjë vendim që të tregojë se ka vepruar në kundërshtim me ligjin.

“Në çdo veprim që kam kryer, kam vlerësuar propozimet e shtabit dhe strukturave më të larta ushtarake, siç ma kërkonte ligji”, u shpreh ai.

Sipas tij, SPAK-u e ka çuar formalisht në gjykatë Fatmir Mediun dhe se prej 18 vitesh është persekutuar nga drejtësia./ CNA





Lajmet e fundit nga