web counter
LEXO PA REKLAMA!

SHKARKO APP

App Store
Google Play

Ministri i Jashtëm Ferit Hoxha vizitë zyrtare në Bruksel/ Takim me Kaja Kallas dhe Marta Kos

10 Mars 2026, 07:49, Aktualitet CNA

Ministri i Jashtëm Ferit Hoxha vizitë zyrtare në Bruksel/ Takim

Ministri për Europën dhe Punët e Jashtme, Ferit Hoxha, do të zhvillojë vizitën e tij të parë zyrtare në Bruksel në cilësinë e kreut të diplomacisë shqiptare, më 10–11 mars 2026.

Gjatë kësaj vizite, ministri Hoxha do të pritet nga zëvendëspresidentja e Komisionit Europian dhe Përfaqësuesja e Lartë e BE-së për Punët e Jashtme dhe Politikën e Sigurisë, Kaja Kallas, si dhe nga Komisionerja për Zgjerimin, Marta Kos.

Në fokus të takimeve do të jetë partneriteti në rritje mes Shqipërisë dhe Bashkimit Europian, si dhe angazhimi për përparimin e mëtejshëm në përmbushjen e kalendarit ambicioz për mbylljen e negociatave të anëtarësimit deri në vitin 2027.

Me ftesë të Shërbimit Europian të Veprimit të Jashtëm (EEAS), ministri Hoxha do të jetë ndër folësit kryesorë në panelin me titull “Fuqizimi i BE-së përmes Zgjerimit”, në kuadër të Konferencës së Ambasadorëve.

Diskutimet do të përqendrohen në mënyrat se si procesi i zgjerimit të Bashkimit Europian mund të forcojë sigurinë dhe stabilitetin e Unionit, si dhe në rolin e zgjerimit si një investim afatgjatë për të ardhmen e rajonit.

Ministri Hoxha do të marrë pjesë gjithashtu në ceremoninë e organizuar nga Ambasada e Republikës së Shqipërisë në Belgjikë për të nderuar mësuesit e gjuhës shqipe në Belgjikë dhe Luksemburg./ CNA





Lajmet e fundit nga