web counter
LEXO PA REKLAMA!

SHKARKO APP

App Store
Google Play

E fundit!

x

Turpi i Sadushit/ Myzyraj: Operacion kirurgjikal, rrugëdalje për zyrtarët e korruptuar në paraburgim

10 Mars 2026, 11:58, Aktualitet CNA

Turpi i Sadushit/ Myzyraj: Operacion kirurgjikal, rrugëdalje për

Gazetari Isa Myzyraj ka reaguar në lidhje me vendimin e turpshëm të Sokol Sadushit, mercenarit dhe ushtarit të pavetinguar të rilindjes që i shërben Erion Veliajt, që lidhet me masat e sigurisë.

Myzyraj thekson se gjithçka duket si një operacion kirurgjikal institucional, që synon jo domosdoshmërisht të përmirësojë sistemin, por të krijojë rrugëdalje për zyrtarët e akuzuar për korrupsion që sot ndodhen në paraburgim.

“Qeveria e Shqipërisë dhe vetë Kryeministri janë shfaqur muajt e fundit dukshëm të shqetësuar për çështjen e paraburgimit.

Ky shqetësim nisi të artikulohej më fort në momentin kur pas hekurave përfunduan disa eksponentë të lartë të partisë në pushtet.

Papritur, gjatë vitit 2026, këtij alarmi politik iu bashkuan edhe juristë të njohur dhe drejtues të institucioneve të sistemit gjyqësor.

Në mes të muajit shkurt, kreu i Gjykatës së Lartë publikoi një shkrim ku trajtonte çështjen e paraburgimit dhe nevojën për një 'rikthim te standardet kushtetuese'.

Por zhvillimet morën një tjetër kthesë. Gati një muaj pas këtij shkrimi, më 9 mars, kreu i Gjykatës së Lartë nxori një vendim të ndërmjetëm për nisjen e procedurës së ndryshimit të pjesshëm të praktikës së njësuar të Kolegjeve të Bashkuara të Gjykatës së Lartë të vitit 2011, e cila lidhet drejtpërdrejt me masat e sigurimit personal.

Në këtë pikë nuk është më e nevojshme të hyhet thellë në analizë juridike për të kuptuar thelbin e kësaj nisme. Vetë kronologjia e ngjarjeve flet qartë: gjithçka duket si një operacion kirurgjikal institucional, që synon jo domosdoshmërisht të përmirësojë sistemin, por të krijojë rrugëdalje për zyrtarët e akuzuar për korrupsion që sot ndodhen në paraburgim”, deklaron Myzyraj./ CNA

 





Lajmet e fundit nga