web counter
LEXO PA REKLAMA!

SHKARKO APP

App Store
Google Play

Spitalet publike apo private?/ Mjekët duhet të vendosin për dy javë se ku do të punojnë 

1 Shtator 2024, 19:19, Aktualitet CNA
Spitalet publike apo private?/ Mjekët duhet të vendosin për dy
Foto ilustruese

Deri në mes të muajit shtator mjekët duhet të zgjedhin të punojnë në spitalet publike apo ato private. Akti i miratuar në qeveri për kufizimin e dypunësimit të mjekëve hyn në fuqi për dy javë.

Sipas relacionit të përgatitur nga Ministria e Shëndetësisë menjëherë pas skandalit qe ndodhi në Spitalin Onkologjik, rezulton se në vendin tonë janë 823 subjekte shëndetësore jo publike, të cilat kanë personel mjekësor po ata që punojnë në spitale publike.

Kjo, sipas ministrisë, ka bërë që shpesh pacientët të mos marrin trajtimin e duhur në spitalet publike, pasi përfitimi financiar i mjekëve në spitale jopublike bën që ata të neglizhojnë ofrimin e kujdesit shëndetësor në spitalet publike.

Sipas aktit normative, një mjek nuk do të lejohet të punojë në spitale private më shumë se 30 % të orëve të tij mujore që bën në spitalin shtetëror, ku është i punësuar full time.

Kjo ka irrituar mjekët, por ndër të tjera ka hasur edhe kundërshtinë e Urdhrit të Mjekut, i cili do të ngrejë komisione disiplinore për ndëshkimin e atyre mjekëve që nuk respektojnë atë çka përcakton akti normativ.

Për mjekët që do të zgjedhin të punojnë në sistemin jopublik do të krijohet një regjistër elektronik, ku do të shkruhet edhe subjekti ku ai punon, pasi nuk lejohet që pacientit të cilit i ofron shërbim në spital shtetëror t’i ofrojë edhe në atë privat.

Për mjekët që kanë poste drejtues në spitale dhe Universitet nuk lejohet të punojnë në klinika shëndetësore private. Për çdo shkelje, sanksionet variojnë me gjobë deri në 10 milionë lekë, si dhe heqje license të ushtrimit të profesionit deri në 5 vjet./ CNA





Lajmet e fundit nga