web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Korçë, reagon Koçiu: Mjekët po bëjnë të pamundurën për shëndetin e Melisës

31 Gusht 2024, 21:48, Aktualitet CNA
Ngjarja e rëndë në Korçë, reagon Koçiu:
Albana Koçiu. Ministre e Shëndetësisë

Ministrja e Shëndetësisë, Albana Koçiu ka reaguar mbrëmjen e së shtunës, në lidhje me ngjarjen e ndodhur në Korçë. Nëpërmjet një postimi në Facebook, ajo shkruan se po bëhet më e mira nga ana e mjekëve për shëndetin e saj

“Mjeket e shërbimit të Djegie-Plastikës në QSUNT po bëjnë më të mirën e mundur për Melisën, vajzën, nënën e dy femijëve të vegjël nga Korça, e cila u sulmua sot në mënyrë brutale nga një “burrë” frikacak, që duhet të ishte krahë saj për ta mbështetur në rritjen e edukimin e fëmijëve, por që sot në mënyrë tinzare vendosi të kthehet në agresorin e saj, nënës së fëmijëve të tij.

E teksa inkurajoj institucionet përgjegjëse për ndalimin dhe dënimin maksimal të tij, i jam pranë me zemër familjes së Melisës. Askush nuk duhet të përjetojë një dhimbje të tillë.

Do të qëndrojmë kundër dhunës dhe mbështesim të gjithë ato gra që bëhen viktima të këtyre “burrave” që meritojnë ndeshkim maksimal. Kjo është një betejë që askush nuk e fiton dot vetëm, ndaj bashkë duhet të punojmë shumë e të bëjmë të pamundurën, të parandalojmë ngjarje si kjo e sotmja.”-shkruan ministrja/CNA





Lajmet e fundit nga