web counter
LEXO PA REKLAMA!

SHKARKO APP

App Store
Google Play

E fundit!

x

Kapter Fania merr në mbrojtje hajdutëritë e PPP-ve

30 Gusht 2024, 11:34, Aktualitet CNA
Kapter Fania merr në mbrojtje hajdutëritë e PPP-ve
Irfan Hysenbelliu

Pronari i disa mediave, që e quan veten “Berlusconi shqiptar”, Irfan Hysenbelliu, ka marrë në mbrojtje hajdutëritë e PPP-ve. 

Ky qëndrim i kapter Fanes duket qartë në një shkrim të publikuar në median e tij, "Panorama Online", ku është botuar artikulli me titullin "Bashkëpunimi me IFC-në/ Partneriteti për Progres, si ndikuan PPP në rritjen e shërbimeve laboratorike të Shqipërisë? Për vite me radhë…". 

Në këtë artikull që mban datën 29 gusht, theksohet se PPP-të kanë përmirësuar shërbimet laboratorike në 18 spitale në të gjithë Shqipërinë. Në shkrim nënvizohet se ka pasur shërbime në kohë dhe të klasit të parë bazuar në standardet ndërkombëtare, duke qenë kështu shumë larg realitetit në të cilin ndodhen spitalet e vendit. 

"Pastaj erdhi një ndryshim i lojës. U formua një Partneritet Publik-Privat (PPP), në të cilin Ministria e Shëndetësisë e Shqipërisë bashkëpunoi me IFC-në për të sjellë një kompani private të kujdesit shëndetësor për të ofruar pajisje laboratorike më të fundit. Kjo nismë përfshiu 18 spitale në të gjithë Shqipërinë, duke përfshirë të pesë spitalet universitare dhe 13 spitalet rajonale", thuhet ndër të tjera në shkrim. 

Pra, kapter Fania me këtë shkrim mesa duket kërkon t'i bëjë "fresk" qeverisë, me qëllim për të treguar një realitet tjetër. 

Paturpësisht në median e tij bën shkrime ku mburr PPP-të, aq më tepër ato në shëndetësi, ku mund të përmendim aferën e "Sterilizimit" apo "Check Up"-it me vlerë miliona euro. 

Të gjithë e dimë që kontratat PPP janë të hartuara keq, pa asnjë lloj studimi të saktë, me kosto të fryra që për fat të keq sa vijnë e po shtohen. Vetëm për PPP-të në shëndetësi janë harxhuar miliona euro për shërbime të pakryera. Disa prej kontratave janë edhe nën hetim nga SPAK-u. 

Por, "biznesmeni i suksesshëm" që ka në pronësi disa media, nëpërmjet shkrimeve apo kronikave që prodhon ruan bizneset e tij, që të mos kenë probleme me shtetin, sidomos të mos paguajnë taksat apo të zhvillojnë evazion fiskal.

Ai është i zhytur në borxhe ndaj shtetit dhe në kredi dhe herë pas here sulmon dhe drejtues institucionesh me qëllim që të mos paguajë taksat, që janë një detyrim ligjor. 

Ka me dhjetëra e dhjetëra procese gjyqësore me shtetin për taksat që refuzon t'i paguajë dhe herë pas herë duke qenë në vështirësi, përveç sulmeve ka edhe momente që i "lëpihet" edhe qeverisë.

Me qëndrimin e fundit të mbajtur ndaj PPP-ve, ai tregon servilizëm. Sigurisht do ketë ndonjë interes apo synim dhe do e ketë pasur "të nevojshme" që të publikojë një artikull të tillë./CNA 

 





Lajmet e fundit nga