web counter
LEXO PA REKLAMA!

SHKARKO APP

App Store
Google Play

Spiropali në Athinë/ Kërkesë për heqjen e ligjit të luftës dhe trajtimin e pronave historike të shqiptarëve

16 Dhjetor 2025, 17:49, Aktualitet CNA

Spiropali në Athinë/ Kërkesë për heqjen e ligjit

Ministrja e Jashtme Elisa Spiropali gjatë një vizite në Athinë në një takim me homologun e saj grek ka kërkuar heqjen e ligjit të luftës.

"Duke qenë partnerë në NATO, të lidhur nga një Traktat Miqësie dhe me perspektivë të përbashkët europiane, Shqipëria mbështet përfundimin sa më parë të çdo reference ligjore atavike nga Lufta e dytë Botërore, me pasoja në marrëdhëniet aktuale, e cila nuk pasqyron realitetin e marrëdhënieve tona si aleatë dhe si miq. Dua ta falenderoj posaçërisht Ministrin për lidershipin dhe vizionin për të ndërtuar një marrëdhënie me sytë nga e ardhmja", tha Spiropali.

Po ashtu Spiropali ka folur për aspektet historike ligjore dhe pronësore të qytetarëve dhe subjekteve shqiptare në Greqi, që sipas saj, u trajtuan hapur në kuadër të dialogut konstruktiv dhe bashkëpunimit dypalësh.

“E informova kolegun tim që Qeveria e Shqipërisë ka ndërmarrë një reformë të plotë të pronësisë, që synon rikthimin e ligjshmërisë në çështjen shumë komplekse të të drejtave të pronës në Shqipëri për shtetasit pa dallim etnie, pra edhe pjesëtarët e minoritetit grek në Shqipëri", theksoi Spiropali.

Ministrja Spiropali konfirmoi se "Shqipëria mbetet po ashtu e përkushtuar për zgjidhjen e çështjeve të lidhura me kufirin (përfshirë edhe delimitimin e hapësirave detare)".

Spiropali kërkoi gjithashtu, vazhdimin e negociatave teknike për marrëveshjen bilaterale për mbrojtjen sociale.

"Kjo marrëveshje përbën një hap të rëndësishëm përpara në mbrojtjen e të drejtave të sigurimeve shoqërore dhe në garantimin e trajtimit të barabartë për punëtorët dhe personat e vetëpunësuar, si për shqiptarët në Greqi apo qyetetarët grekë qëpunojnë në Shqipëri. Një shembull pozitiv dhe inkurajues është përvoja e suksesshme me firmosjen e marrëveshjeve të ngjashme me shumë vende partnere të Bashkimit Europian, përfshi Italinë në vitin 2024, apo edhe vende të tjera", tha Spiropali./ CNA





Lajmet e fundit nga