web counter
LEXO PA REKLAMA!

SHKARKO APP

App Store
Google Play

E fundit!

x

GJKKO caktoi "Arrest në shtëpi"/ Ja akuzat ndaj Mirlinda Karçanajt dhe zëvendëses së saj

16 Dhjetor 2025, 13:21, Aktualitet CNA

GJKKO caktoi "Arrest në shtëpi"/ Ja akuzat ndaj Mirlinda

Ditën e sotme u bë publike se GJKKO ka vendosur masën e sigurisë “Arrest në shtëpi” ndaj drejtoreshës së AKSHI-t, Mirlinda Karçanaj dhe zëvendëses së saj Hava Delibashi.

Në deklaratën e bërë, SPAK-u njofton se ndaj Karçanajt dhe Delibashit rëndojnë akuzat për shkelje të barazisë në tenderë, grup kriminal dhe kryerje e veprave penale nga grupi i organizuar kriminal.

 

“Caktimin e masës së sigurimit, 'Arrest në shtëpi', ndaj shtetases nën hetim, M.K., e parashikuar nga neni 237 i Kodit të Procedurës Penale, për kryerjen e veprave penale; 'Shkelje e barazisë së pjesëmarrësve në tendera apo ankande publike' e kryer në formën e veçantë të bashkëpunimit, atë të grupit të strukturuar kriminal dhe 'Grup i strukturuar kriminal', 'Kryerje e veprave penale nga organizata kriminale dhe grup i strukturuar kriminal', të parashikuara nga nenet 258 dhe 333/a dhe 334 të Kodit Penal.

Caktimin e masës së sigurimit, 'Arrest në shtëpi', ndaj shtetases nën hetim, H.D., e parashikuar nga neni 237 i Kodit të Procedurës Penale, e dyshuar për kryerjen e veprave penale; 'Shkelje e barazisë së pjesëmarrësve në tendera apo ankande publike', e kryer në formën e veçantë të bashkëpunimit, atë të grupit të strukturuar kriminal dhe 'Grup i strukturuar kriminal', 'Kryerje e veprave penale nga organizata kriminale dhe grupi i strukturuar kriminal', të parashikuara nga nenet 258 dhe 333/a dhe 334 të Kodit Penal”, njoftoi SPAK-u.





Lajmet e fundit nga