Skena e puthjes në Sanremo/ Reagon ashpër Tomorri: Po promovohen vlerat e kotësisë

12 Shkurt 2023, 18:15, Aktualitet CNA

Skena e puthjes në Sanremo/ Reagon ashpër Tomorri: Po promovohen

Gazetari Klodian Tomorri

Gazetari Klodian Tomorri ka reaguar pas skenave të djeshme në Sanremo , ku reperi Rosa Chemical puthi në buzë reperin Fedez, ndërkohë që e pranishme ishte edhe bashkëshortja e këtij të fundit, Chiara Ferragni.

Me tone të ashpra, Tomorri thotë se tashmë po promovohet agjenda e denatyrimit njerëzor dhe vlerave të kotësisë.

Ai ngre pyetjen se si mund të emancipohet shoqëria njerëzore kur dy meshkuj puthen publikisht.

Statusi i plotë në rrjete sociale:

Ka pas qenë një kohë kur:

Festivalet e muzikës promovonin muzikë,

Ndeshjet e futbollit promovonin sport

Teatri dhe kinematografia promovonin art.

Dhe bota ishte një vend normal.

Tani është një kohë kur të gjitha këto promovojnë vetëm një agjendë. Atë të denatyrimit njerëzor dhe vlerave të kotësisë.

Në kampionatin botëror, futbollistët dalin me shirita ylberi në krah.

Në një festival muzike kulmi arrihet kur një burrë puthet në mënyrë pasionante me llapë në fyt me një burrë tjetër. Pesë metër më tutje ishte gruaja e njërit prej burrave.

Nëse ti shtron me të drejtë pyetjen se çfarë përfiton shoqëria njerëzore nga fakti që një burrë jargavitet me një burrë tjetër në prime time, para miliona fëmijëve, përgjigja që merr nga avokatët e axhendës është emancipimi i shoqërisë.

Lëvizjet që kanë emancipuar shoqërinë njerëzore ishin ato që u dhanë grave të drejta të barabarta me burrat, hoqën skllavërinë, u dhanë të gjithë njerëzve liri dhe barazi para ligjit pavarësisht fesë, etnisë, ngjyrës apo rracës. Shtrinë aksesin në arsim dhe shëndetësi për të gjithë pa asnjë dallim ekonomik apo racial.

Këto lëvizje zgjeruan kapitalin human në mënyrë të jashtëzakonshme, pasi deri dje ti mund të ishe talent, por nuk lulëzojë dot se isha skllav. Mund të ishe gjeni, por nuk të lejonte njeri të kultivojë gjenialitetin tënd sepse ishe grua. Tani pyetja është si e emancipon shoqërinë njerëzore fakti kur Fedezi i fut llapën publikisht Roza Kimikut? Ose kur këta luajnë kaladibrance nga mbrapa? Boh.

Më shumë gjasa Giorgia Meloni ka për të dekapituar të gjithë zinxhirin drejtues të Rai-t, pas asaj që ndodhi në Sanremo. Por axhenda e silikonit do vazhdojë t’i imponohet dhunshëm sërish e sërish shumicës së heshtur deri në triumfin e plotë. Pastaj asgjë s’do jetë më si më parë. Ajnshtajni nuk do ketë as 1 përqind të popullaritetit të Fedez Llapës. Ndërsa Da Vinci do jetë një zero para Roza Kimikut dhe Maneskinëve. Nëse ti promovon këtë me axhendë, aty shkon./ CNA.al