web counter
LEXO PA REKLAMA!

SHKARKO APP

App Store
Google Play

E fundit!

x

“Uashington Post”, jehonë protestës së opozitës/ “Mijëra qytetarë kërkuan dorëheqjen e Ramës”

11 Shkurt 2023, 18:03, Aktualitet CNA
“Uashington Post”, jehonë protestës së opozitës/
Foto nga protesta

“Uashington Post” i ka bërë jehonë protestës së organizuar sot nga opozita kundër kryeministrit Rama dhe qeverisë.

Prestigjozia amerikane shkruan se mijëra mbështetës të opozitës morën pjesë në protestën antiqeveritare, duke kërkuar dorëheqjen e kryeministrit, i cili dyshohet për korrupsion dhe keqpërdorim të ekonomisë së vendit ballkanik.

“Uashington Post” thekson se tubimi u udhëhoq nga Berisha dhe Meta, të cilët ndodheshin mes protestuesve në shesh.

Më tej, prestigjozja amerikane thekson se protestuesit e akuzuan Ramën si përgjegjës për eksodin e të rinjëve shqiptarë drejt Europës Perëndimore, si dhe për për korrupsion ndaj ish-zyrtarit të lartë të FBI-së, Charles McGonigal.

Artikulli i plotë:

Mijëra mbështetës të opozitës shqiptare morën pjesë në një protestë antiqeveritare të shtunën, duke kërkuar dorëheqjen e kryeministrit, të dyshuar për korrupsion dhe keqpërdorim të ekonomisë së kombit ballkanik.

Sali Berisha, ish-president dhe ish-kryeministër i Shqipërisë që drejton Partinë Demokratike të qendrës së djathtë dhe ish-presidenti Ilir Meta, i cili drejton Partinë e Lirisë së majtë, ishin mes protestuesve që u mblodhën para ndërtesës kryesore të qeverisë me pankarta, dhe kërkuan që kryeministri Edi Rama i Partisë Socialiste të qendrës së majtë në pushtet, të japë dorëheqjen.

“Ka ardhur koha që ky revolucion të nxjerrë paratë e korruptuara dhe t'i kthejë në paga dhe pensione më të larta”, tha Berisha.

Pjesëmarrësit e protestës hodhën tymuese në hyrjen kryesore të ndërtesës së qeverisë, ku qindra oficerë policie formuan një ‘gardh’ për të mbrojtur ndërtesën.

Protestuesit e akuzuan Ramën për korrupsion dhe e konsiderojnë atë përgjegjës për eksodin e të rinjve shqiptarë që janë larguar drejt Evropës Perëndimore. Rama thotë se kabineti i tij e ka mbajtur inflacionin të ulët në krahasim me vendet e tjera në Evropë dhe ka subvencionuar energjinë elektrike për familjet dhe bizneset e vogla.

Opozita akuzon gjithashtu Ramën për korruptimin e Charles McGonigal , një ish-zyrtar i lartë i kundërzbulimit të FBI-së, i cili akuzohet në Shtetet e Bashkuara se ka fshehur nga FBI detajet kryesore të një udhëtimi në Shqipëri në vitin 2017 me një ish-zyrtar të inteligjencës shqiptare, i cili dyshohet se i ka dhënë të paktën 225,000 dollarë.

McGonigal u takua me kryeministrin e Shqipërisë dhe kërkoi të ketë kujdes në dhënien e licencave të shpimit të fushës së naftës në vend për kompanitë ruse.

Rama e ka pranuar takimin me McGonigal, por ka mohuar akuzat se i ka dhënë para ose se ka pasur trajtim preferencial.

Jo të gjithë demokratët e opozitës ishin të pranishëm në protestë pasi partia e Berishës është përfshirë nga përplasjet e brendshme, pasi sekretari amerikan i shtetit, Antony Blinken, në vitin 2021 i ndaloi hyrjen e Berishës dhe të afërmve të tij në SHBA për "akte korruptive që minuan demokracinë" gjatë mandatit të tij 2005-2013 që ishte si kryeministër.

Britania bëri të njëjtën gjë vitin e kaluar.

Berisha bëri thirrje për një tjetër protestë para parlamentit të hënën./ CNA.al





Lajmet e fundit nga