web counter
LEXO PA REKLAMA!

SHKARKO APP

App Store
Google Play

Belind Këlliçi “gozhdon” Ramën dhe Veliajn/ “Janë strumbullari i të gjitha aferave”

11 Shkurt 2023, 12:39, Aktualitet CNA
Belind Këlliçi “gozhdon” Ramën dhe Veliajn/
Belind Këlliçi

Kandidati i PD-së për Bashkinë e Tiranës, Belind Këlliçi, ka hapur protestën e opozitës.

Gjatë fjalimit të tij, Këlliçi ka gozhduar kryeministrin Edi Rama dhe kryebashkiakun Erion Veliaj duke i quajtur strumbullarin e të gjitha aferave korruptive.

"Në 103-vjetorin e saj si kryeqytet, Tirana sot është më e gjallë, më e shndritshme, më e bukur se kurrë me ardhjen tuaj. Sot i kemi zemrat plot se kemi miq nga e gjithë Shqipëria, nga çdo krahinë e qytet i vendit.
Ja mirë se erdhët dhe ju lumshin këmbët!

Tirana na ka mbledhur të gjithëve, na ka bashkuar për të kundërshtuar njëzëri të gjitha padrejtësitë që i bëhen vendit tonë nga kjo godinë. Këtu është strumbullari i të gjitha të këqijave, i të gjitha aferave që i kanë marrë arkës sonë të përbashkët miliarda euro. Para që iu morën fermerëve, minatorëve, naftëtarëve, spitaleve, shkollave, kopshteve dhe çerdheve.

Para që u vodhën me asfalt elektoral, farsa rindërtimi dhe me inceneratorë imagjinarë.

Para që u jepen agjentëve të huaj për ta lënë vendin pa opozitë, që shqiptarët të mos kenë alternativë në zgjedhje, që 14 maji të jetë një e diel e zakonshme dhe jo një ditë shprese për ndryshim. Po përse paguajnë për të eliminuar opozitën, këta që janë të pathyeshëm?
Paguajnë sepse kanë frikë nga opozita, nga 14 maji, kanë frikë nga ju, nga vota juaj dhe fuqia që ju jep vota.
Përse zhvillojnë takime sekrete, përse fshihen? Sepse marrëveshjet që bëjnë janë të paligjshme, korruptive dhe antidemokratike dhe janë të vetëdijshëm që këtë radhë kanë shkelur në kallo.

Një pyetje kam: Kush e ka parë kryeministrin? Ku është VIP-i? Po këtë që do varte te palmat e kryeministrisë, zarin e tij në Bashkinë Tiranë, a e ka parë njeri këto ditë?

Ish-zëvendësi i tij është kapur. S’ka ku e luan tani. Nëse drejtësia e ka çarkun e madh, edhe tigri bie në çark.

Rrugës për këtu, e patë trafikun e Tiranës, sa kohë duhet këtu për të mbaruar një hall? E patë batërdinë me kulla që është bërë në sheshin 'Skënderbej'?

Ju lutem kthejeni kokën dhe më thoni, a e shihni dot Sahatin e Tiranës?
E zhduku me një firmë që hodhi. Kaq vlejti për kryebashkiakun simboli i Tiranës, kaq vlejti identiteti i kryeqytetit. Nuk do më bënte fare habi nëse na quan sërish 'shpellarë'.

Edhe sot në 103-vjetorin e Tiranës kryeqytet, zari i Ramës në bashki po mundohet të na hedhë hi syve sikur promovon kulturën me inskenime koncerte lagjesh, ndërkohë që pak metra më tutje rrënohet 'Radio Tirana', në një kurs shkatërrimi pa kthim, gati për të ndjekur të gjitha vilat e tjera tradicionale të rrugës 'Kont Urani', të cilat ua kanë lënë vendin kullave të betonit, e që e kanë shndërruar atë zonë të Tiranës nga një oaz mimozash, në labirinte betoni", tha Këlliçi./ CNA.al





Lajmet e fundit nga