Gjergj Luca bashkohet me Berishën: Kthehuni në Shqipëri

11 Shkurt 2023, 16:57, Aktualitet CNA

Gjergj Luca bashkohet me Berishën: Kthehuni në Shqipëri

Biznesmeni dhe sipërmarrësi Gjergj Luca me ambasadorin e Egjiptit në Tiranë, Mohamed Heider

Biznesmeni dhe sipërmarrësi Gjergj Luca, ashtu si kryetari i Partisë Demokratike, Sali Berisha ka bërë thirrje që shqiptarët të kthehen në atdhe.

Në një video ku shihet se ka takuar ambasadorin e Egjiptit në Tiranë, Mohamed Heider, Luca kërkon që shqiptarët të vijnë në vendin e tyre dhe të punojnë për të ndërtuar një Shqipëri më të mirë.

“Sot në weekend pata kënqaqësinë që të na bashkohet familjarisht ambasadori i Egjiptit, pas një vizite shumë të suksesshme që ne patëm në Egjipt bashkë me autoritetet e ministrisë së Bujqësisë dhe unë u emocionova jashtë mase me fjalët e zotërisë se më shpjegoi gjithë karrierën e vet politike dhe më shpjegoi që ka qenë në shumë vende. Ka qenë në Spanjë, në Afrikë, në Azi ambasador, ka qenë në Oman ambasador dhe më thotë me shumë emocion që vendi më i bukur, me njerëzit më të mirë, me diellin më të mirë, me njerëzit më shpirtëror dhe koha që e kam ndjerë veten më mirë ëhstë Shqipëria.

Edhe një gjë miq, jemi vend i mirë, jemi vend i bukur, jemi vend me shpirt të madh dhe faleminderit zotit dhe rrogat brenda dy-tre vjetësh do na shkojnë si te komshinjtë tonë, si grekët, si ballkani, si turqit dhe miq kthehuni! Kthehuni se kjo është parajsa e Zotit! Kthehuni dhe ta ndërtojmë Shqipërinë që të gjithë bashkë!”, thekson biznesmeni.

Më në fund Gjergj Luca doli hapur me Berishën dhe u kthye në origjinë si i djathtë që është dhe ka kërkuar kthimin e shqiptarëve në vend, duke mbështetur këtë kauzë të Berishës.

Luca njihet si një nga mbështetësit kryesorë të Edi Ramës, por kurrë nuk e pranon se është socialist.

Tashmë doli hapur si demokrat në krah të doktorit, pasi vetë Berisha ka bërë thirrje herë pas here për rikthimin e shqiptarëve në vend.

Gjergj Luca bashkohet me Berishën: Kthehuni në Shqipëri

Edhe në protestën e sotme, Berisha dha mesazhe të forta për të rinjtë dhe kauzën e ringritjes së Shqipërisë.

“I dhamë një mesazh të fuqishëm, shprese, besimi, fitoreje, shqiptarëve në Shqipëri dhe kudo që ndodhen. Pasi dhamë një mesazh të fuqishëm miqve tanë kudo në botë se revolucioni ynë, është një betejë jetike, është një mision i shenjtë për demokracinë dhe pluralizmin. Se këtë mision, se idealet tona nuk ka forcë në botë që ti mposhtë”, theksoi ndër të tjera Berisha.

Pra, të dy po luftojnë për të njejtën kauzë, Berisha me protestë dhe Gjergj Luca me punë.

E në fund qëllimi është i përbashkët, një betejë me shqiptarët për të ardhmen e Shqipërisë./ CNA.al