web counter
LEXO PA REKLAMA!

SHKARKO APP

App Store
Google Play

Protesta/ Aliolli: Po shantazhohet gjykata për të nxjerrë opozitën nga procesi zgjedhor

11 Shkurt 2023, 13:10, Aktualitet CNA

Protesta/ Aliolli: Po shantazhohet gjykata për të nxjerrë

Kandidatja e PD-së për Bashkinë e Korçës, Ledina Aliolli, gjatë një deklarate për mediat, është shprehur se Rilindja po përpiqet të rikthejë vendin në diktaturë.

Në fjalën e saj, ajo ka theksuar se qeveria po bën përpjekjet më fatale për të eliminuar opozitën dhe se po shantazhon gjykatën për ta nxjerrë nga procesi zgjedhor.

"Qytetarë dhe demokratë të nderuar, nga e gjithë Shqipëria.
I gjithë kombi gjendet sot, këtu në këtë shesh.
Krenari, dinjitet dhe shpresë i jepni sot gjithë Shqipërisë.
Qindra mijëra shqiptarë kanë ikur nga atdheu, por për ta shpëtuar do jemi gjithnjë e më shumë në këtë shesh. Asgjë nuk e ndal më revoltën popullore për të rrëzuar klikën më antishqiptare që ka qeverisur vendin pas diktaturës komuniste.
10 vite monizëm i Rilindjes së Ramës do të hyjë në histori për ideologjinë e toksikimit të vendit me drogë, e shndërrimit të Shqipërisë në Kolumbi, për të gjithë Europën dhe më gjerë, me trafiqet e çdo lloji;
E pushtetit me zyrtarë të dënuar brenda dhe jashtë Shqipërisë që nuk kanë fre në grabitjen deri te qindarka e fundit e shqiptarëve;
E pushtetit që po shpopullon vendin;
E ikjes së të rinjve dhe krahut të punës në Azil;
E mjerimit ekonomik deri në mbijetesë për mbi 500 mijë shqiptarë;
Rilindja, që nuk ka as edhe më minimumin e prestigjit të etërve të kombit që u ka huazuar emrin, po e shndërron vendin në një monizëm të frikshëm të përqendrimit të pushteteve dhe kontrollit të institucioneve nga ushtria e patronazhistëve dhe aktivistëve…
Arritën deri në përpjekjet më absurde dhe fatale për të eliminuar opozitën, si dikur etërit e tyre të Bllokut me gjyqin çnjerëzor të deputetëve në vitin 1946, dhe shantazhojnë gjykatën për ta nxjerrë opozitën nga procesi zgjedhor.
Kërkojnë të rikthejnë diktaturën duke rrezikuar lirinë dhe standardet e zgjedhjeve dhe duke rrëmbyer çdo atribut të institucioneve, që me kushtetutë duhet të funksionojnë të pavarura.
Por kurrë nuk do t'ia arrijnë qëllimit, sepse diktatura e etërve është varrosur bashkë me ta, njëherë e përgjithmonë. Shqiptarët nuk do t'ua lënë ne dorë fatet e fëmijëve të tyre një klike antikombëtare, por do të shpëtojnë vendin, duke çuar në një fitore të thellë dhe të merituar opozitën. 10 vite ishin një kthim mbrapa i rrezikshëm, por ky është fundi për Rilindjen mavi. Shqipëria duhet dhe do të fitojë kohën e humbur drejt Europës dhe për këtë rrugën do ta çelë vetëm fitorja e opozitës në 14 maj.
Nga Korça e rilindasve të vërtetë vij me një mesazh: Shqipërisë, pluralizmit, demokracisë, i dalim Zot!
Edi Rama! Faktet dolën, dorëheqja është detyrim!", ka deklaruar Aliolli./ CNA.al





Lajmet e fundit nga