web counter
LEXO PA REKLAMA!

SHKARKO APP

App Store
Google Play

E fundit!

x

“Nuk pajtohemi me korrupsionin dhe mungesën e drejtësisë”/ Grigels Muçollari: Protesta, reagimi i shqiptarëve

12 Shkurt 2023, 09:41, Aktualitet CNA
“Nuk pajtohemi me korrupsionin dhe mungesën e
Anëtari i Këshillit Kombëtar të Partisë Demokratike, Grigles Muçollari

Anëtari i Kryesisë së Partisë Demokratike, Grigles Muçollari, e ka quajtur Tiranën, kryeqytetin Europian të Protestave.

Muçollari deklaron se është detyrim moral për t’i treguar gjithkujt se shqiptarët nuk pajtohen me korrupsionin dhe mungesën e drejtësisë.

Sipas anëtarit të Këshillit Kombëtar të PD-së, në një realitet ku në fushat e sportit ngrihen pallate dhe të rinjtë largohen masivisht nga vendi, protestat janë i vetmi reagim nga qytetarët shqiptarë.  

“Tirana - Kryeqyteti Europian i Protestave

Është detyrë morale që në shtetin më të vjedhur në Europë, ku shumica jeton nën minimumin jetik, ne shqiptarët t'i tregojmë kujtdo se jemi në papajtueshmëri të plotë me korrupsionin dhe mungesën e drejtësisë, se Tirana është nga sot Kryeqyteti Europian i Protestave për vitin 2023.

Është naivitet të mendosh se qyteti ku oborret dhe fushat e sportit u bënë pallate, është Qyteti Europian i Sportit.

Është hipokrizi të flasësh për Kryeqytetin Europian të Rinisë në vendin që braktiset çdo ditë nga të rinjtë.

Në një realitet të tillë, i vetmi lajm që pritet nga Shqipëria është protesta dhe reagimi i shqiptarëve”, shkruan Muçollari./ CNA.al





Lajmet e fundit nga