web counter
LEXO PA REKLAMA!

SHKARKO APP

App Store
Google Play

Opozita në shesh/ "Reuters": Protesta, kundër korrupsionit dhe varfërisë

12 Shkurt 2023, 08:59, Aktualitet CNA
Opozita në shesh/ "Reuters": Protesta, kundër korrupsionit
Protesta e opozites

Mediat e huaja i kanë bërë jehonë protestës së opozitës një ditë më parë në Tiranë.

Gjiganti mediatik "Reuters" shkruan se qytetarët dolën në protestë kundër qeverisë duke kërkuar dorëheqjen e kryeministrit Edi Rama.

Në artikull pasqyrohet se qytetarët kanë protestuar kundër korrupsionit dhe varfërisë që po largon shqiptarët nga vendi. 

Një tjetër media e huaj si "Washington Post" gjithashtu ka komentuar protestën. 

Në artikull shkruhet se, Sali Berisha, ish-president dhe ish-kryeministër i Shqipërisë, që drejton Partinë Demokratike dhe ish-presidenti Ilir Meta, i cili drejton Partinë e Lirisë, ishin mes protestuesve që u mblodhën para Kryeministrisë dhe bënë thirrje që kryeministri Edi Rama të japë dorëheqjen.

“Ka ardhur koha që ky revolucion të nxjerrë paratë e korruptuara dhe t'i kthejë në paga dhe pensione më të larta”, tha Berisha.

Më tej shkruhet se kritikët e Ramës e akuzuan për korrupsion dhe e konsiderojnë atë përgjegjës për eksodin e të rinjve shqiptarë që janë larguar në vendet e Europës Perëndimore.

Opozita akuzon gjithashtu Ramën për korruptimin e Charles McGonigal, një ish-zyrtar i lartë i kundërzbulimit të FBI-së, i cili akuzohet në Shtetet e Bashkuara se ka fshehur nga FBI-ja detajet kryesore të një udhëtimi në Shqipëri në vitin 2017 me një ish-zyrtar të inteligjencës shqiptare, i cili dyshohet se i ka dhënë të paktën 225,000 dollarë.

Rama e ka pranuar takimin me McGonigal, por ka mohuar akuzat se i ka dhënë para./ CNA.al





Lajmet e fundit nga