web counter
LEXO PA REKLAMA!

SHKARKO APP

App Store
Google Play

Skemat me presione dhe sulme/ Sot, në Gjykatën Administrative seanca për padinë qesharake të Veliajt ndaj Ols Dados

8 Maj 2026, 09:13, Aktualitet CNA

Skemat me presione dhe sulme/ Sot, në Gjykatën Administrative seanca

Ditën e sotme në orën 14:00 në Gjykatën Administrative zhvillohet seanca gjyqësore për padinë e bërë nga kryebashkiaku i arrestuar me 13 akuza për 5 vepra të rënda penale, Erion Veliaj, ndaj prokurorit Ols Dado.

Padia nuk është asgjë tjetër veçse një sulm i radhës i Veliajt ndaj prokurorit që ka hetuar çështjen e tij.

Ndërkohë që prokurorit Altin Dumani ka frikë t’i përmendë emrin, që prej arrestimit Veliaj është angazhuar bashkë me shërbëtorët e tij mediatikë dhe avokatët e studiove ligjore lobiste dhe kanë përqendruar sulmet e tyre ndaj prokurorit Ols Dado.

Një sërë skemash dhe mashtrimesh që mbushnin raporte për të cilat lobonin duke paguar 220 mijë dollarë për të gënjyer dhe shpifur për prokurorin Ols Dado, duke nisur nga kërkesat për leje ndërtimi apo deri te më e paimagjinueshmja se prokurori është aktivist i PD-së.

Sulmet dhe presionet ndaj drejtësisë nga Veliaj vijojnë, ku kryebashkiaku i arrestuar për 13 akuza të rënda penale, dirigjon avokatin e tij të pandehur Plarent Ndreca të dalë në konferencë për shtyp dhe të ushtrojë një presion të hapur publik ndaj prokurorit dhe gjyqtarit Hazbi Balliu.

Vetëm dy ditë para seancës së sotme, burime zyrtare thanë për CNA se në korridoret e Bashkisë së Tiranës, po u kërkohet administratës dhe drejtuesve që të jenë prezentë në gjyqin e sotëm në Gjykatën Administrative. Kjo lëvizje shihet si një presion i hapur ndaj gjyqtarit Hazbi Balliu dhe prokurorit Ols Dado.

Kjo në fakt është një skemë e përsëritur si në kohën kur administrata e Bashkisë së Tiranës u mblodh para GJKKO-së në një protestë të turpshme në momentin që u arrestua Erion Veliaj.

CNA mësoi se po kërkohet me këmbëngulje nga drejtues të Bashkisë Tiranë që të jenë prezentë, duke thënë se duhet të shkojnë në Gjykatën Administrative të mbështesin kryetarin e bashkisë.

Më herët CNA ka treguar se Bashkia e Tiranës dhe vetë turpërisht është përfshirë në padinë që Erion Veliaj ka bërë ndaj prokurorit Ols Dado.

Tashmë të gjithë skenarët e Veliajt janë të zbuluar po ashtu dhe qëllimi që është intimidimi i prokurorit Ols Dado dhe gjyqtarëve.

Të tilla sulme tregojnë një frikacak që në vend të përballet me drejtësinë dhe akuzat, nga skutat e burgut të Durrësit kryen sulme ndaj prokurorëve dhe gjyqtarëve./ CNA

 





Lajmet e fundit nga