web counter
LEXO PA REKLAMA!

SHKARKO APP

App Store
Google Play

E fundit!

x

Skenare me presione/ Show mediatik i një avokati të pandehur

7 Maj 2026, 20:21, Aktualitet CNA

Skenare me presione/ Show mediatik i një avokati të pandehur

Këtë të enjte, 24 orë para seancës së radhës në Gjykatën Administrative për padinë e kryebashkiakut të arrestuar të Tiranës me 13 akuza të rënda penale Erion Veliajt ndaj prokurorit Ols Dado, avokati i pandehur i kryebashkiakut të pandehur, Plarent Ndreca doli hapur, publikisht duke ushtruar presion ndaj Gjykatës Administrative dhe trupës gjykuese.

Kjo dalje publike, e programuar në prag të seancës, u shfrytëzua për të hedhur akuza lidhur me ecurinë e procesit gjyqësor të kryebashkiakut të Tiranës në Gjykatën Administrative, ndërsa presioni ka shkuar deri aty sa avokati i pandehur i një tjetri të pandehuri ka kërkuar të aktivizohen mekanizmat e kontrollit ndaj gjykatës.

Përpos këtij akti të paprecedentë, avokati i pandehur i Erion Veliajt, Plarent Ndreca në konferencën për shtyp të mbajtur këtë të enjte tha se: “Prej ditësh, në hapësirën publike dhe në burime të hapura mediatike, janë raportuar pretendime jashtëzakonisht shqetësuese mbi tentativa të mundshme ndikimi dhe presioni institucional në lidhje me këtë proces gjyqësor”, duke vijuar më tej se “pas gjithë këtyre zhvillimeve krijohet natyrshëm dyshimi se gjyqtari i çështjes mund të gjendet nën një presion institucional të jashtëzakonshëm për të mos lejuar që një vendim gjyqësor të ekspozojë dështimin e vetë sistemit për të korrigjuar një problem kaq të rëndë ligjor dhe institucional”

Pas këtyre deklaratave që vijnë nga një i pandehur që mbron një të pandehur si Plarent Ndreca, ne bëmë një vëzhgim dhe nuk gjetëm ndonjë informacion mediatik që ndaj gjyqtarit Hazbi Balliu të jetë bërë ndonjë presion.

Në qoftë se ka ndonjë presion, kush e ka bërë? Mediat e pushtetit, mediat që paguhen nga inceneratorët apo nga vëllai i kryetarit të bashkisë? Cilat media kanë ushtruar presion ndaj këtij gjyqtari? Dhe pse? Sepse ne bëmë një vëzhgim dhe nuk kemi parë që t'i ushtrohet ndonjë presion këtij gjyqtari.

Ka dy anë të kësaj medaljeje. Ose mediat e pushtetit e sulmojnë që pastaj të dalë në konferencë për shtyp i pandehuri Plarent Ndreca dhe përmes dirigjencave nga burgu i Durrësit i bëjnë presione drejtësisë si në rastin e sotëm, ose nuk ekzistojnë fare dhe dalin dhe gënjejnë dhe thonë që kanë sulmuar mediat dhe i është bërë presion gjyqtarit.

Gjyqtarit, në qoftë se i është bërë presion, ka organe kompetente, ka gjykata, ka prokurori, ka kallëzime, ka polici që merren me përgjegjësit.

Por në rastin e deklaratës së avokatit të pandehur Plarent Ndrecës kush i bën presion gjyqtari dhe pse e bën presionin?

Se duket qartazi që në këtë historinë e daljes të avokatit të pandehur Plarent Ndrecës ka spektakël.

Ka më shumë show mediatik sesa betejë me ligjin, të vërtetën, faktet dhe provat. Gjithçka është një show./ CNA





Lajmet e fundit nga