web counter
LEXO PA REKLAMA!

SHKARKO APP

App Store
Google Play

E fundit!

x

“Mostrat e ushqimit janë në analizë”/ Gjylameti: Presim përgjigjen e analizave për të kuptuar çfarë ka ndodhur

7 Maj 2026, 21:16, Aktualitet CNA

“Mostrat e ushqimit janë në analizë”/ Gjylameti:

Drejtoresha e Autoritetit Kombëtar të Ushqimit, Blerina Gjylameti, ka deklaruar në emisionin “Opinion” se janë marrë mostra nga ushqimi i mbetur dhe nga ambienti ku përgatitej ushqimi në Akademinë e Policisë, pas helmimit të studentëve.

Sipas saj, përfaqësues të Shëndetit Publik kanë ndërhyrë në kohë dhe procesi i hetimit po vijon normalisht. Rezultatet e plota të analizave pritet të dalin brenda 10 ditësh.

Gjylameti ka reaguar gjithashtu ndaj pretendimeve të qarkulluara në rrjetet sociale për praninë e “uthullës me krimba”, duke i përgënjeshtruar ato. Ajo tha se nuk është gjetur dhe nuk është marrë mostër e tillë, duke shtuar se në Akademi nuk ka pasur një produkt të tillë dhe se nevojitet maturi në përhapjen e informacioneve deri në daljen e rezultateve zyrtare.

Sipas saj, disa nga analizat tashmë kanë dalë, ndërsa të tjerat priten në fillim të javës, për të përcaktuar saktësisht shkakun e incidentit. Ajo konfirmoi gjithashtu se janë bllokuar produktet në ambientin ku përgatitej ushqimi dhe se po verifikohen kushtet higjieno-sanitare.

Gjylameti theksoi se ushqimi furnizohej nga kompania “Sorial” dhe se pas përfundimit të analizave do të merren masat përkatëse nëse konstatohen shkelje.

Në fund, ajo nënvizoi se prioritet mbetet shëndeti i studentëve të prekur dhe garantimi i sigurisë ushqimore.

“Ajo që thatë pak më parë kishte një kaos për shkak të deklarimeve pa patur siguri në institucion.

Ishin të pranishëm përfaqësues të Shëndetit Publik, u morën mostrat nga ushqimi i mbetur dhe më pas hetuam ku gatuhej. Të gjithë reaguan në kohë”, tha Gjylameti.

Sa i përket uthullës me krimba të publikuar në rrjetet sociale, Gjylameti u shpreh:

“Ne e kemi përgënjeshtruar nuk kemi gjetur dhe s’kemi marrë mostër uthulle me krimba. Në akademi nuk kishte një uthull të tillë. Duhet maturi në përhapjen e lajmit. Duhet të presim përgjigjen e analizave. Disa përgjigje kanë ardhur disa të tjera presim t’i kemi në fillim të javës për të kutpuar se çfarë ka ndodhur. Janë bllokuar produktet në ambientinku prodhohej ushiqmi. Pas analizave duhet të marrim masa të tjera”, tha Gjylameti./ CNA





Lajmet e fundit nga