web counter
LEXO PA REKLAMA!

SHKARKO APP

App Store
Google Play

E fundit!

x

Skema e Alibeajt/ U largua nga grupi parlamentar i PD-së, për t’iu bashkuar partisë së Lulit

25 Qershor 2024, 21:14, Aktualitet CNA
Skema e Alibeajt/ U largua nga grupi parlamentar i PD-së, për
Enkelejd Alibeaj

Enkelejd Alibeaj, pak ditë më parë, njoftoi largimin e tij nga grupi parlamentar i PD-së, pas vendimit të Gjykatës së Apelit, e cila i kaloi vulën Sali Berishës.

Ai tha se po largohej në shenjë respekti të vendimit të Gjykatës së Apelit por në të vërtetë arsyeja është një tjetër.

Gjatë një interviste, Alibeaj është shprehur se shoqëria ka nevojë për një strukturë të re politike që do të ndodhë së shpejti.

Pra, Enkelejd Alibeaj nuk është larguar për të respektuar vendimin e Gjykatës por për t’iu bashkuar partisë së re të Lulzim Bashës, një lëvizje kjo e paralajmëruar nga CNA.

“Ka një identitet sot në shoqërinë shqiptare që njihet si një grup njerëzish të cilët i kanë qëndruar fort vlerave fondamentale, si marrëdhëniet me perëndimin, drejtësinë, konceptin e “non gratave”, nevojën që një parti demokratike do duhet të largojë simptomat e korrupsionit të dikurshëm, e mbi të gjitha me nevojën e madhe që opozitat, për të sfiduar regjimin e Ramës do duhet të kenë një fytyrë ndryshe dhe një ofertë të re politike.

Për këtë arsye, po ka një identitet politik, ka qëndrime politike, ka edhe struktura e burime njerëzore, të cilat deri dje quheshin si partia zyrtare e Partisë Demokratike. Për më tepër kemi edhe një program politik. Kështu që janë të gjitha premisat, madje sot e kërkon historia politike e këtij vendi këtë formacion të ri. Kur do krijohet, si do krijohet dhe kush do i bashkohet, kjo është çështje tjetër. Unë jam me idenë se ky proces do të ndodh shpejtë e do të ndodh tani”,tha Enkelejd Alibeaj./ CNA





Lajmet e fundit nga