web counter
LEXO PA REKLAMA!

SHKARKO APP

App Store
Google Play

E fundit!

x

Skandali i radhës i "Wizz Air"/ Pas 4 orësh pritje nga udhëtarët, anulon fluturimin

25 Qershor 2024, 18:08, Aktualitet CNA
Skandali i radhës i "Wizz Air"/ Pas 4 orësh pritje nga
Foto ilustruese

CNA shpesh ka denoncuar skandalet e kompanisë ajrore "Wizz Air", e cila njihet si "makthi i qytetarëve".

Një tjetër denoncim vjen pranë redaksisë së CNA, ku informohet se ka patur vonesa prej më shumë se tre orësh për fluturimin Napoli-Tiranë.

Qytetarët kanë pritur me orë të tëra me valixhe nëpër duar së bashku me fëmijët që të njoftoheshin për fluturimin por nuk ka patur asnjë reagim.

Pas rreth 4 orësh janë lajmëruar se fluturimi është anuluar. Për këtë nuk jepet asnjë arsye. Pasagjerët janë indinjuar pasi kanë mbetur në rrugë të madhe.

"Wizz Air", e cila pretendon se është një linjë "low cost", në të vërtetë nuk është e tillë, pasi u kushton më shumë udhëtarëve me vonesat e tyre, me pritjet, shumat shtesë që duhet të paguajnë, apo punët dhe rezervimet që kanë paguar mund t'u shkaktojnë një dëm financiar.

Më herët ka pasur denoncime se kjo kompani devijon dhe destinacionet duke i dërguar udhëtarët në të tjera shtete dhe duke i lënë të presin me orë të tëra për të fluturuar./ CNA





Lajmet e fundit nga