web counter
LEXO PA REKLAMA!

SHKARKO APP

App Store
Google Play

E fundit!

x

"U larguan si gladiatorë që dridhën kundërshtarët"/ Mesazhi i Berishës për kombëtaren kuqezi

25 Qershor 2024, 16:35, Aktualitet CNA
"U larguan si gladiatorë që dridhën
Kombetarja kuqezi

Ish-kryeministri Sali Berisha ka renditur disa nga arsyet pse kombëtarja kuqezi u largua me nder dhe me dinjitet nga Euro 2024.

Sipas Berishës, ranë në grupin e “vdekjes”por u larguan si gladiatorë që i dridhën kundërshtarët.

Berisha rendit si arsye dhe golin historik të Bajramit, në sekondat e para të ndeshjes, si dhe golin e Gjasulës në sekondat e fundit të ndeshjes me Kroacinë.

Një nga arsyet ishte dhe tifozeria kuqezi, për të cilën kanë shkruar edhe mediat më të mëdha botërore.

Por, pasi rendit të gjitha këto, Berisha ka dhe një mesazh për futbollistët e kombëtares.

“U larguan, por me nder dhe dinjitet.

Kjo sepse:

1. Ranë ne grupin e ‘vdekjes’ siç e quajtën grupin B ekspertët, por u larguan si gladiatorë që i dridhën kundërshtarët. Në renditjen e FIFA-s, tre kundërshtarët tanë renditeshin në grupin e 10 skuadrave më të forta të botës kurse kuqezinjtë renditeshin në vendin e 66-të.

2. Kuq e Zinjtë me performancën e tyre bën lajme botërore.

3. Në një kampionat që duket golëpakët Kuq e Zinjtë shënuan tre gola! Jo vetëm kaq por:

4. Shënuan me Bajramin golin më të shpejtë në të gjithë historinë e kampionatit europian .

5. Shënuan me Gjasulën edhe në minutën e 95-të.

6. Këto dy gola për kohën e realizuar janë të jashtëzakonshëm, bën lajme botërore dhe flasin më tepër se sa shumë gola të tjerë.

7. Tifozët Kuq e Zi ishin energjia pozitive më e fuqishme, dekori më i bukur i kampionatit ndaj dhe u kthyen kampion të merituar.

Duke përgëzuar për të gjitha këto lojtarët e ekipit kombëtar, golshënuesit, kapitenin, trajnerin Sylvinho, dhe tifozët Kuq e Zi, FSHF për performancën e tyre dinjitoze dhe duke ju uruar suksese të mëtejshme uroj gjithashtu të mos keqpërdoren dhe të bien viktimë e ndonjë skenari orvollian, koreano-verior të Edi Ramës të ardhjes së tyre nga Rinasi në Tiranë, të llojit të katër viteve më parë. Flamuri, kombëtarja dhe fanella e saj kuq e zi u përkasin të gjithë shqiptarëve! U takon juve t’i mbani të tilla përkundër atyre që kërkojnë t’i përdorin si gjethe fiku për të mbuluar zullumet. #sb”, shkruan Berisha./ CNA





Lajmet e fundit nga