web counter
LEXO PA REKLAMA!

SHKARKO APP

App Store
Google Play

Skandali tek Onkologjiku/ Tabaku: Çnjerëzore, edhe zv.drejtoresha pjesë e skemës abuzive

25 Qershor 2024, 15:26, Aktualitet CNA
Skandali tek Onkologjiku/ Tabaku: Çnjerëzore, edhe zv.drejtoresha
Deputetja Jorida Tabaku

Deputetja Jorida Tabaku ka reaguar sa i përket skandalit tek Onkologjiku.

Tabaku gjatë një interviste u shpreh se është e pabesueshme se si mund të bëhet biznes me vdekjen, duke shtuar se ajo që ka ndodhur është çnjerëzore.

Po ashtu theksoi faktin se skandal më i madh është se në skemën abuzive është përfshirë dhe zëvendësdrejtoresha e Onkologjikut.

“Është e pabesueshme se si mund të bëhet biznes me vdekjen dhe se kjo që ka ndodhur është çnjerëzore.

Ndërkohë skandal akoma më i madh është fakti që në këtë skemë abuzive ishte e përfshirë edhe zv.drejtoresha e Onkologjikut.

Një skemë e cila ishte ndërtuar nga mjekët, doktorët e punonjësit ndërkohë që në dijeni ka qenë edhe zv. drejtoresha, kjo është skandaloze.

Dhe pacientët kanë qenë në faza të ndryshme të trajtimeve, mes tyre ka pasur dhe fëmijë. Ka edhe qytetarë të cilët nuk i përballojnë dot kostot as në spitalet shtetërore, e ata i orientonin drejt privatit. Është skandaloze.

Ajo që dua të them sot është se kur ne i përmendim dhe i denoncojmë këto abuzime na thonë se bëni politikë me sëmundjen, por sot rezultoi që denoncimet tona janë të vërteta dhe ajo që pamë ishte një skandal se si bëhej biznes me sëmundjen dhe vdekjen”, u shpreh Tabaku./CNA





Lajmet e fundit nga