web counter
LEXO PA REKLAMA!

SHKARKO APP

App Store
Google Play

E fundit!

x

Apeli lë në burg Belerin/ Ministria e Jashtme greke, kërkesë autoriteteve shqiptare

25 Qershor 2024, 19:22, Aktualitet CNA
Apeli lë në burg Belerin/ Ministria e Jashtme greke, kërkesë
Fredi Beleri

Ministria e Jashtme e Greqisë ka kërkuar nga autoritetet shqiptare që Fredi Beleri të lejohet të bëjë betimin në Parlamentin Evropian, pasi Gjykata e Apelit e ka lënë në burg kryebashkiakun e zgjedhur të Himarës si dhe eurodeputetin Fredi Beleri.

Në njoftimin e Ministrisë së Jashtme të Greqisë, thuhet se autoritetet shqiptare e kanë detyrim që të marrin të gjitha masat e nevojshme për t’i dhënë atij mundësinë për të marrë pjesë në punimet e Parlamentit Evropian, duke filluar nga betimi i tij, korrikun e ardhshëm.

“Që në fillim, Greqia kishte shprehur shqetësimin dhe reflektimin e saj për shumë aspekte të çështjes lidhur me ndjekjen penale të kryebashkiakut të zgjedhur të Himarës, Fredi Beleri.

Në veçanti, rezervat lidhur me cënimin e prezumimit të pafajësisë, natyrën e provave të paraqitura, zbritjen e dënimit të tij, shqiptimin e një dënimi joproporcional dhe heqjen e së drejtës së tij për të bërë betim, me rezultat që Bashkia e Himarës administrohet prej një viti nga persona që nuk kanë legjitimitet demokratik.

Vendimi i sotëm i Gjykatës së Apelit Tiranë vjen në mbështetje të këtyre shqetësimeve për nivelin e shtetit ligjor dhe mbrojtjen e minoriteteve në Shqipëri.

Beleri sot nuk është vetëm kryetar i zgjedhur i Bashkisë së Himarës. Ai është gjithashtu anëtar i zgjedhur i Parlamentit Evropian.

Është, pra, një detyrim i autoriteteve shqiptare që të marrin të gjitha masat e nevojshme për t’i dhënë atij mundësinë për të marrë pjesë në punimet e Parlamentit Evropian, duke filluar nga betimi i tij, korrikun e ardhshëm”, thuhet në reagim./ CNA





Lajmet e fundit nga