web counter
LEXO PA REKLAMA!

SHKARKO APP

App Store
Google Play

“Është për t'u alarmuar”/ Anila Hoxha: Hakerat kanë sulmuar trurin dhe zemrën e policisë së shtetit

19 Shtator 2022, 22:15, Aktualitet CNA
“Është për t'u alarmuar”/ Anila Hoxha: Hakerat
Gazetarja investigative Anila Hoxha

Gazetarja investigative, Anila Hoxha, ka deklaruar se hakerat kanë sulmuar zemrën dhe trurin e policisë së shtetit, pasi kanë në duart e tyre të dhëna shumë sensitive që cenojën sigurinë kombëtare.

E ftuar në "Top Story", gazetarja ka deklaruar se armiqësia ka nisur pas instalimit të MEK në Manzë.

Ndër të tjera, Hoxha e cilëson alarmues faktin që ata kanë historikun e grupeve kriminale për ngjarje që janë nën hetim e sipër.

 “Goditja dhe sulmi kibernetik është në zemrën dhe në trurin e policisë së shtetit, është jashtë loje sistemi ADAMS dhe Memex. Kanë historikun e grupeve kriminale, informacione kriminale për ngjarje që janë në hetim e sipër. Kjo është për t’u alarmuar. Sulmet e javëve të fundit në vendin tonë dyshohet se kanë për autorë Iranin. Kjo armiqësi ka nisur menjëherë pas instalimit të MEK në Manzë. SPAK-u dërgoi në gjykatën e posaçme një person që akuzohej për spiunazh. Më herët, ish-ministri i Brendshëm shpalli ‘non grata’ dhe largoi dy diplomatë iranianë, raste që tregonin qartë se veprimtaria e spiunazhit ishte shumë shqetësuese në Shqipëri”, ka thënë Hoxha.

Sipas saj, hakerat po përcjellin mesazhin që kanë në dorë informacione të zyrtarëve të tjerë dhe të qytetarëve.

 “Sinjali është ky: ne kemi email-in e kreut të policisë së shtetit. Kemi dhe të tjerë zyrtarë që kanë të dhëna për bashkëpunëtorët, informatorët e policisë shqiptare. Serveri që gjendet në policinë e shtetit tani është i bllokuar”.

Ndërsa sipas gazetares, policia e shtetit nuk duhet të shpërndajë komunikata nëpër "Whats App".

 “Drejtori i Përgjithshëm ka një e-mail zyrtar, por a duhet të qarkullojnë sekrete. Ka katër vite që policia komunikon në 'WhatsApp'. Ka të dhëna pafund”, shtoi Anila Hoxha./ CNA.al





Lajmet e fundit nga