web counter
LEXO PA REKLAMA!

SHKARKO APP

App Store
Google Play

E fundit!

x

Pse vendimi i prokurorit s’ka asnjë vlerë për mediat

19 Shtator 2022, 21:54, Aktualitet CNA
Pse vendimi i prokurorit s’ka asnjë vlerë për mediat
Foto ilustruese

Grupi i hakerave “Homeland Justice” ose “Drejtësia e Atdheut”, publikoi ditën e sotme disa të dhëna të nxjerra nga e-mailet e ish-kreut të policisë së shtetit, Gledis Nano.

Pas publikimit në media të të dhënave, policia e shtetit me urdhër të Prokurorisë, ndaloi mediat të publikojnë materialet.  

Përmes një njoftimi, policia deklaroi se në rast të shkeljes së këtij vendimi nga cilido, do të nisë menjëherë hetimi për vendosjen përpara përgjegjësisë ligjore të personave përgjegjës.

Por neni 104, i Kodit Penal e thotë qartë se, shkelja e ndalimit të publikimit, nuk përbën vepër penale, por është shkelje disiplinore.

Në këtë rast prokurori njofton organin që ka të drejtë të marrë masa disiplinore.

“Neni 104 Shkelja e ndalimit të publikimit 1. Shkelja e ndalimit të publikimit e bërë nga nëpunësi i shtetit ose i një enti publik, kur nuk përbën vepër penale, është shkelje disiplinore. Në këtë rast prokurori njofton organin që ka të drejtë të marrë masa disiplinore”, thuhet në Kodin Penal.

Media e lirë po bën detyrën e saj dhe nuk duhet të ketë asnjë pengesë dhe përgjegjësi për këtë.

Për më tepër që edhe vetë kryeministri Edi Rama e ka theksuar në deklaratat e tij publike se nuk ka asnjë sekret shtetëror, asnjë dokument të sigurisë të bërë publik, por janë thjesht komunikime institucionesh.

Ndaj edhe media duhet të vazhdojë publikimin e materialeve, pasi ligji parashikon maksimumin, masë disiplinore. Media s’ka asnjë përgjegjësi thjesht duhet të kenë kujdes mos kthehen në shërbëtorë të një loje nga një vend armik si Irani.

Ajo që vihet në pikëpyetje është vërtetësia e dokumenteve që publikojnë hakerat iranianë, pasi tani çdo gjë mund të manipulohet dhe askush nuk konfirmon vërtetësinë e tyre përveç personave që e kanë komunikuar./ CNA.al





Lajmet e fundit nga