web counter
LEXO PA REKLAMA!

SHKARKO APP

App Store
Google Play

E fundit!

x

"Agresioni nuk ia arriti qëllimit"/ Rama: Nuk ka zhdukje apo rrjedhje të të dhënave

11 Shtator 2022, 13:23, Aktualitet CNA
"Agresioni nuk ia arriti qëllimit"/ Rama: Nuk ka zhdukje apo
Kryeministri Edi Rama

Kryeministri Edi Rama deklaron se sistemet e pikave kufitare janë në punë që prej mëngjesit të sotëm.

Përmes një postimi në "Twitter" Rama shkruan se agresioni nga hakerat nuk ia ka arritur qëllimit pasi nuk ka asnjë zhdukje apo rrjedhje serioze të të dhënave.

“Sistemet e pikave kufitare janë në punë qysh prej mëngjesit të sotëm.Përtej ndjesisë së rëndë që krijon penetrimi në këto sisteme, njësoj si kur të hyjnë në shtëpi e të vjedhin,fakti është se agresioni nuk ia ka arritur as fare qëllimit, asnjë zhdukje a rrjedhje serioze të dhënash!”, shkruan kryeministri në "Twitter".

Gjithashtu i është përgjigjur të gjithë kritikëve, duke thënë se Shqipëria teknikisht ka rezistuar më së miri, ndërsa politikisht ka bërë një investim të dobishëm.

“Dhe përtej cinizmit e përqeshjeve tipike të klubit të madh të thashethemeve digjitale, ushqyer nga ulëritës profesionistë dhe kinse strategë marrëdhëniesh ndërkombëtare, Shqipëria teknikisht ka rezistuar më së miri, ndërsa politikisht ka bërë një investim tejet të dobishëm!”, vijon më tej Rama./ CNA.al





Lajmet e fundit nga