E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“21 ditë burg për leckën me ngjyrë”/ Lirohet pa asnjë akuzë penale 48-vjeçari që hoqi flamurin turk nga kulla e rojës

11 Shtator 2022, 11:36, Aktualitet CNA

“21 ditë burg për leckën me ngjyrë”/ Lirohet pa

Shpetim Sefa

48-vjeçari Shpetim Sefa, i cili u arrestua me 14 gusht për shkak se hoqi flamurin turk nga kulla e vrojtimit në Durrës, është lënë i lirë, pas 21 ditësh në paraburgim.

Ai kishte postuar në rrjetin e tij social videon ku dukej teksa ka hipur në kullën e rojës në plazhin e Gjirit të Lalzit, ka hequr flamurin dhe më pas e ka hedhur në det.

Pas lirimit të tij, ka reaguar dhe Ylli Manjani, i cili e quan policinë politike, dhe se e gjithë toga e policëve dhe drejtuesit e tyre që urdhëruan atë arrestim duheshin marrë nën përgjegjësi penale të menjëhershme!

“Zotëria që u arrestua për atë muhabetin e leckës me ngjyra flamuri turk në plazh, qenka liruar dhe pa asnjë akuzë penale.

Normalisht nuk kishte si të akuzohej për atë budallallëk. Arrestimi i tij ishte fund e krye I PALIGJSHËM.

Më vjen mirë që Gjykata e Apelit Durrës e ka konstatuar këtë PALIGJSHMËRI. Mesaduket gjykata e faktit atje nuk e ka pavarësinë e duhur nga Policia...!!

Mesa kuptoj nga kjo sorollatje polici-Prokurori-Gjykatë e shkallës së parë-Gjykatë Apeli, personi është mbajtur në paraburgim për 21 ditë pa faj e pa shkelur asnjë ligj të shtetit!

21 ditë paraburgim për një leckë me ngjyrë që policia politike e quajti flamur ceremonial! Kulmi!

E gjithë toga e policëve dhe drejtuesit e tyre aë urdhëruan atë arrestim duheshin marrë nën përgjegjësi penale të menjëhershme! Por kjo funksionon vetëm në shtetet demokratike.

Nejse, zotëria që vuajti për një gjest kurajoz në fund të fundit, ta gëzojë pafajsinë!

Nuk po hyj këtu të analizoj kostot individuale që kësaj poshtërsie, sepse nuk më pushon helmi.

Është ai lloj helmi që të jep pezm nga mungesa e shpresës se mund të marrësh drejtësinë që të takon shpejt e pa kosto...

Por personi ta gëzojë Pafasinë dhe për mua është i nderuar që bëri një reagim qytetar, pavarësisht kostove.

Emri i Tij është Shpëtim Sefa.

Faleminderit Shpëtim!

***

Ndërkohë për median nuk përbën lajm lirimi pa akuzë i personit. As mbajtja në paraburgim padrejtësisht.

Media thjesht lexon komunikatat heroike të Policisë. Meqë kjo e fundit nuk njofton për fundin e ngjarjeve, por vetëm për fillimet e bujshme, edhe media nuk bën detyrën të ndjekë një çështje deri në fund pavarësisht ç'thotë policia!

Trishtim i madh./CNA.al