web counter
LEXO PA REKLAMA!

SHKARKO APP

App Store
Google Play

Sulmi kibernetik/ Flet drejtori i Aviacionit Civil: Asnjë pasagjer nuk ka humbur udhëtimin

10 Shtator 2022, 20:26, Aktualitet CNA
Sulmi kibernetik/ Flet drejtori i Aviacionit Civil: Asnjë pasagjer nuk ka
Drejtori i Aviacionit Civil, Maksim Et’Hemaj

Drejtori i Aviacionit Civil, Maksim Et’Hemaj, ka folur për sulmin kibernetik ndaj sistemit TIMS, pas mbledhjes që zhvilloi Komiteti i Sigurisë së Aviacionit Civil.

Në një deklaratë për mediat, Et’Hemaj tha se fikja e sistemit TIMS ishte bërë për t’u mbrojtur pas sulmit nga hakerat iranianë.

Ai theksoi se sistemi i trafikut ajror nuk është prekur nga ky sulm dhe se asnjë pasagjer nuk ka humbur udhëtimin.

“Me siguri them se sistemi i trafikut ajror nuk është prekur nga ky sulm. Ndërkohë mënyra sesi kjo ngjarje shkakton probleme në aeroport është e thjeshtë. Bllokimi i sistemit TIMS krijon vonime të fluturimeve. Por ju them me shumë kënaqësi që asnjë pasagjer nuk ka humbur udhëtimin. Aeroporti ka tre valë udhëtimesh. Valën e parë e menaxhuam me sukses duke komunikuar me kompanitë ajrore.

Unë i ftoj pasagjerët që të vazhdojnë të vijnë dy orë para fluturimit të tyre për shkak të kësaj situate. Ky është një akt sabotimi. Nuk është detyra jonë të themi se kur kjo mund të rregullohet, por të bëjmë të mundur që pasagjerët të mos humbin avionin e tyre. Komiteti do vazhdojë aktivitetin deri në rikthimin në normalitet. Kjo do jetë në thelb gjithmonë një luftë mes të mirës dhe të keqes. Sistemi TIMS u fik për t’u mbrojtur”, nënvizoi Et’Hemaj./ B.A. - CNA.al





Lajmet e fundit nga