web counter
LEXO PA REKLAMA!

SHKARKO APP

App Store
Google Play

E fundit!

x

Jo vetëm Shqipëria/ Dy shtetet e tjera që ranë pre e sulmeve kibernetike

10 Shtator 2022, 18:59, Aktualitet CNA
Jo vetëm Shqipëria/ Dy shtetet e tjera që ranë pre e sulmeve
Foto ilustruese

Pas sulmit kibernetik ndaj portaleve qeveritare, hakerat sulmuan mbrëmjen e kaluar edhe sistemin TIMS në Shqipëri.

Qeveria ka konfirmuar se pas sulmeve kibernetike qëndron Irani, ndërsa pak ditë më parë ndërpreu marrëdhëniet diplomatike me Iranin.

Ndërsa mediat kosovare bëjnë me dije se pre e sulmeve kibernetike ka rënë edhe Maqedonia e Veriut.

Faqja zyrtare e Ministrisë së Arsimit dhe Shkencës në Maqedoni të Veriut është përballur të shtunën me sulm kibernetik.

Prej disa orësh në faqen e kësaj ministrie shihet mesazhi, “Hakuar nga ekipi grek i hakerëve Netëatchers” ndërsa në rast të klikimit në faqe paraqitet një video në YouTube me titullin "Maqedonia e famshme".

Zyrtarë të Ministrisë së Arsimit dhe Shkencës, kanë thënë se “nuk ka vend për shqetësim lidhur me pohimet për shkarkimin e supozuar të të dhënave të qytetarëve, sepse faqja e internetit nuk ka baza të tillë të të dhënave”.

“Ministria e Arsimit është në komunikim me Qendrën Kombëtare për sulme kompjuterike pranë Agjencisë së Komunikimeve Elektronike, ku është raportuar rasti, dhe nga ku presim që në bashkëpunim me Ministrinë e Punëve të Brendshme, të ndërmerren veprime konkrete për zbulimin e burimit të sulmit”, është thënë në njoftimin e Ministrisë së Arsimit.

Aty po ashtu është bërë e ditur se “ekspertët kompjuterikë të Ministrisë së Arsimit, po ndërmarrin veprime për rritjen e sigurisë së faqes së internetit, dhe vetëm më pas e njëjta do të aktivizohet”.

Sulmi kibernetik ndaj faqes së internetit të Ministrisë së Arsimit, ka ardhur pasi të enjten një grup tjetër hakerësh në platformën sociale Tëitter, ka kërcënuar se do të sulmojë këtë faqe dhe t’i shkarkojë të dhënat që janë në të, nëse nuk i vendoset flamuri bullgar, shkruan Rel.

Për sulme kibernetike ditëve të fundit kanë raportuar edhe Kosova, Shqipëria e Mali i Zi.                             

Më 6 shtator, Qeveria e Kosovës ka njoftuar se disa ueb-faqe të institucioneve të shtetit kanë qenë pre e një sulmi kibernetik, por nuk ka specifikuar cilat.

Sulmi, megjithatë, nuk ka arritur të depërtojë brenda infrastrukturës së rrjetit kompjuterik shtetëror, pasi që, siç është thënë, “është bllokuar nga pajisjet përkatëse të sigurisë”.





Lajmet e fundit nga