Shpëtim Nazarko: Qeveria e Ramës është një turmë grash pa asnjë vlerë dhe ide/ S’ka elitë

10 Shtator 2022, 10:58, Aktualitet CNA

Shpëtim Nazarko: Qeveria e Ramës është një turmë

Analisti Shpëtim Nazarko ka komentuar situatën ekonomike në vend.

Në emisionin “Arnautistan” të Mustafa Nanos, ai ka shenjëstruar Ramën por edhe Berishën.

“Dakord Rama bën këtë, që qeveria e tij është turmë grash pa asnjë vlerë dhe send.

Rama dhe Berisha në këto 30 vjet nuk kanë shkruar një artikull të vetëm ku do e çojnë këtë vend, shoh me hidhërim se në shoqëri dhe në shtyp mungon ajo që quhet elitë kombëtare.

Kush na ndalon ti themi me të urtë dhe të butë, pse si bën fotovoltaikët, pse nuk e bën hekurudhën Tiranë-Prishtinë, për të sjellë minerale.

Hekurudha që po bën tani, është e gabuar. Porti i Vlorës me thellësi 54 metra, është nga më të mëdhenjtë e Mesdheut, prej saj mund të lëvizësh mallrat prej asaj që e kam quajtur korridori tretë.

Me linjën hekurudhore mund të merrnim jo vetëm plazhistët, por edhe minerale, si qymyri. Kush e pengon elitën kombëtare që me të urtë dhe të butë ti thotë Ramës që këto fotovoltaikët që na thua t’i vendosim në tarraca, pse nuk ke bërë ndonjë politikë, po na thua tani.

Kush i pengon ekspertët e bujqësisë që ti thonë që me këtë copëzim tokash, jo që nuk eksporton 1 miliardë, po do i helmosh me produkte nga jashtë”, është shprehur Nazarko.

Më tej ai është ndalur tek emisionet që trajtohen në televizionet shqiptare, duke shmangur temat ekonomike, gjë që nuk ndodh as në Rusinë e Putinit.

“Më thuaj një emision, se sa janë emisionet dhe studiot e mëdha që kanë marrë në analizë probleme që lidhen me bujqësinë dhe ekonominë.

Në Vlorë, në kanionet e Nivicës mund të vesh për 12 kilometër në Borsh, mund të çosh qumështin nga lart, mishin nga lartë, për të ushqyer turistët.

Tema të kësaj natyre do e vinin në vështirësi qeverinë se do e nxirrnin zhveshur, se nuk jemi në kohën e diktaturës së qeverisë së Berishës dhe Ramës.

Na e solle historinë e anijeve me qymyr, por na thuaj pse nuk e ke shfrytëzuar energjinë diellore për 10 vjet, pse nuk e shfrytëzon këtë idenë me Kosovën.

Berisha thoshte duhet lidhur truri i energjisë tonë me të Kosovës për të furnizuar ata me termocentralet, ne me hidrocentralet.

Ne mund ti themi qeveri maskaraçkë dhe jo budallaçkë. Nëse dalin njerëz që kanë ndikim në popull dhe thonë me të butë probleme të mëdha, qeveria shtrëngon dhëmbët.

Nëse dalin të tjerë që si njeh, qeveria i shfrytëzon këta për të thënë se ka demokraci.

Që të mbash elitë kombëtare, duhet ta mbajë ose mbreti, ose pasanikët e saj, pasanikët prodhues, të cilët e shohin shtetin e vet, si shtëpinë e vetë.

Një pasanik prodhues në momentin që ka humbur prodhimet e veta, ka humbur shtëpinë e vet. 99% të pasanikëve tanë i kemi tregtarë”, shprehet me tej Nazarko./CNA.al