web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria, në finalen e Eurovision 2026/ Alis magjeps Europën me “Nân”

15 Maj 2026, 08:04, Aktualitet CNA

Shqipëria, në finalen e Eurovision 2026/ Alis magjeps Europën me

Shqipëria ka siguruar një vend në finalen e madhe të Eurovision Song Contest 2026, pasi artisti shqiptar Alis u kualifikua me këngën “Nân” gjatë natës së dytë gjysmëfinale.

Në skenën madhështore të Wiener Stadthalle, Alis solli një performancë të fuqishme vokale dhe një interpretim plot emocion, duke rrëmbyer duartrokitjet e publikut dhe vlerësime të shumta nga fansat e festivalit në mbarë Europën.

Kënga “Nân”, e shoqëruar me një skenografi moderne dhe efekte vizuale mbresëlënëse, krijoi një atmosferë unike në arenë. Interpretimi i artistit shqiptar u konsiderua ndër momentet më të spikatura të mbrëmjes, ndërsa reagimet pozitive në rrjetet sociale dhe mediat ndërkombëtare nuk munguan.

Një emocion i veçantë u krijua edhe nga prania e flamurit kuqezi në sallë dhe në “Green Room”, ku mbështetësit shqiptarë festuan me krenari kualifikimin në finale. Atmosfera elektrizuese tregoi edhe një herë mbështetjen e madhe që Shqipëria gëzon në këtë festival europian.

Pas shpalljes së rezultateve të televotimit dhe jurive, Shqipëria u rendit mes 10 shteteve që siguruan biletën për finalen e së shtunës.

Shtetet e kualifikuara nga gjysmëfinalja e dytë janë:

Shqipëria – Alis – “Nân”

Australia – Delta Goodrem – “Eclipse”

Bullgaria – Dara – “Bangaranga”

Çekia – Daniel Zizka – “CROSSROADS”

Danimarka – Søren Torpegaard Lund – “Før vi går hjem”

Malta – AIDAN – “Bella”

Norvegjia – JONAS LOVV – “YA YA YA”

Qipro – Antigoni – “Jalla”

Rumania – Alexandra C?pit?nescu – “Choke me”

Ukraina – LELÉKA – “Ridnym”

Tashmë vëmendja është përqendruar te finalja e madhe, ku Shqipëria synon një rezultat historik dhe pse jo, triumfin e parë në historinë e saj në Eurovision./ CNA





Lajmet e fundit nga