E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Mungesa e Ramës në seancë/ Këlliçi: Do të jetë aty, sa herë korrupsioni ta kërkojë

14 Maj 2026, 14:46, Aktualitet CNA

Mungesa e Ramës në seancë/ Këlliçi: Do të

Deputeti i PD-së, Belind Këlliçi, ka bërë një reagim në rrjetet sociale për mungesën e kryeministrit Edi Rama në seancën ku u diskutua për projektrezolutën mbi integrimin në Bashkimin Europian.

Këlliçi shprehet se ndryshe nga kryeministrat në rajon dhe Europë, Rama e shmang Kuvendin duke shkelur rregullat dhe Kushtetutën në mënyrë të përsëritur.

Ndër të tjera shton se mosparaqitja në seanca nuk dëmton opozitën, por konfirmon te publiku mungesë kuraje dhe pamundësi për t’u përballur me pasojat e qeverisjes së tij.

Sipas Këlliçit, paraqitet në Kuvend vetëm për të mbrojtur aferat e qeverisë së tij dhe për interesat e oligarkëve.

Reagimi i plotë:

Do të jetë aty, sa herë korrupsioni ta kërkojë!

Edi Rama mungoi edhe sot në Parlament, ku u paraqit raporti dhe ku ishte parashikuar debati për integrimin europian.

Kryeministrat në rajonin tonë, në Europë e kudo, paraqitjen në Kuvend, llogaridhënien atje, përgjigjet dhe shpjegimet, i kanë pjesë të rëndësishme të punës, të angazhimit javor. Dhe politika e debatet e forta sigurisht që ndodhin aty.

Edi Rama e shmang Kuvendin duke shkelur rregulat dhe Kushtetutën në mënyrë të përsëritur.

Ai mendon se kështu dëmton opozitën, por në fakt konfirmon në sytë e publikut mungesë kurajo dhe pamundësi për t’u përballur me pasojat e qeverisjes së tij.

Eshtë bërë e qartë se Edi Rama nuk mungon, kur korrupsioni e kërkon. Ai ishte prezent dhe mbrojti aferat e tij dhe të Ballukut me pasion të madh e sigurisht dhe me votë.

Ishte aty kur duhej të kalonin ndryshimet në Ligjin për Shtetësinë që i hapin rrugë dhënies së pasaportës atyre klientëve të tij të dyshimtë që na shfaqen më pas si investitorë trategjikë.

Për oligarkët dhe interesat e tyre, paraqitet në Kuvend.

Eshtë tanimë zyrtare.

Ai nuk është në atë post për qytetarët e për të mbrojtur interesat e tyre. Eshtë partner i oligarkëve e strategjikëve, është kumbar i krimit dhe avokat i korrupsionit.

Ndaj, sa herë këta të kenë nevojë për apologjinë dhe votën e tij, Edi Rama do të jetë në Kuvend. Asnjëherë tjetër.

Nëse së shpejti, SPAK do sjellë një kërkesë tjetër në Kuvend për imunitetin e Ballukut pas zgjerimit të hetimit, apo për të tjerë ministra a deputetë të rilindjes, ajo do të jetë dita kur Edi Rama do të paraqitet në parlament, për të mbrojtur korrupsionin dhe aferat e tij! /CNA