web counter
LEXO PA REKLAMA!

SHKARKO APP

App Store
Google Play

E fundit!

x

Shet makinën në 2024-ën, i faturojnë dëmin e aksidentit një vit më pas

13 Maj 2026, 22:05, Aktualitet CNA

Shet makinën në 2024-ën, i faturojnë dëmin e aksidentit

Qytetari Anesti Tanka ka denoncuar se gjatë rinovimit të siguracionit të automjetit, rezultoi se primi i sigurimit i ishte rritur për shkak të një aksidenti të regjistruar në emrin e tij.

Qytetari pretendon se nuk ka qenë pjesë e asnjë aksidenti, pasi automjetin e kishte shitur që në vitin 2024, ndërsa ngjarja rrugore kishte ndodhur në vitin 2025.

Sipas dokumenteve, kontrata e shitjes së automjetit ishte regjistruar rregullisht, por në sistemin e sigurimeve automjeti vijonte në emrin e ish-pronarit, pasi nuk ishte bërë ndryshimi i policës së sigurimit dhe duplikati në emër të blerësit të ri.

Autoriteti i Mbikëqyrjes Financiare deklaroi se dëmet raportohen nga shoqëritë e sigurimit dhe se problemi nuk qëndronte te AMF-ja, por te kompania që administronte policën.

Nga ana tjetër, Drejtoria e Dëmeve e kompanisë së sigurimit pretendoi se ndryshimet në sistem duhej të vinin nga AMF-ja, duke krijuar një përplasje institucionesh dhe duke lënë qytetarin pa zgjidhje.

Pas ndërhyrjes së emisionit “Stop”, rasti u korrigjua dhe dëmi i aksidentit u hoq nga emri i qytetarit Anesti Tanka.

Episodi 1: Qytetari u drejtua në AMF

Qytetari: Kam shitur makinën.

Punonjësi: Po, e mbaj mend.

Qytetari: Atë ML-në. Erdha këtu te ti…

Punonjësi: Duhet të vesh te kompania, te kompania, që ka dosjen, tek ajo shko!

Punonjësi: Se ne nuk trajtojmë dosjet e aksidenteve.

Qytetari: Po kompania më dërgoi te juve mua.

Punonjësi: Po dosjen e dëmit e ka kompania, se nuk e kemi ne dosjen e dëmit.

Punonjësi: Problemin e kanë ata, nuk është se është te neve. Kupton? Ne kemi, cfarë hedhin ata, i kemi ne./tvklan

 





Lajmet e fundit nga