web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohet shtesa pa leje e një hoteli në Sarandë/ Nën hetim pronari

13 Maj 2026, 14:44, Aktualitet CNA

Sekuestrohet shtesa pa leje e një hoteli në Sarandë/ Nën

Prokuroria e Sarandës ka vendosur nën “sekuestro preventive” një sipërfaqe ndërtimore të dyshuar si e ndërtuar pa leje në një hotel në lagjen nr. 1 të qytetit të Sarandës.

Sipas organit të akuzës, sipërfaqja e sekuestruar ndodhet mbi tarracën e hotelit 6-katësh, në pronësi të shtetasit me iniciale A.P. Ky i fundit është marrë nën hetim për ndërtim pa leje.

Nga verifikimet në terren rezulton se mbi objektin ekzistues janë kryer punime që përfshijnë ngritjen e një strukture metalike mbajtëse, realizimin e mbulimit dhe soletës me llamarinë të valëzuar dhe shtresë betoni, ndarjen e ambienteve të brendshme, si dhe përfundimin e fasadës dhe vendosjen e vetratave.

Nga hetimet rezulton se punimet janë kryer në mënyrë graduale, të paktën nga periudha para datës 12 maj 2025 deri më 31 mars 2026, kohë kur gjatë inspektimit është konstatuar se objekti kishte arritur në fazë të avancuar përfundimi.

Njoftimi i plotë:

Me kërkesë të Prokurorisë Sarandë, sekuestrohet sipërfaqja pa leje e një hoteli, shtetasi A.P. nën hetim për ndërtim pa leje.

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Sarandë, u vendos masa ‘Sekuestro preventive’ për sipërfaqen me përmasa 22.9 m x 13.4 m x 3.5 m, ndërtuar mbi tarracën e objektit ekzistues i emërtuar si “Hotel Oasis”, 6  kate në lagjjen nr. 1, Bashkia Sarandë, në emër të shtetasit A.P.

Nga hetimet mbi pri procedimin penal nr. 116 të vitit 2026, regjistruar  për veprat n penale “Ndërtimi i paligjshëm për qëllime fitimi” dhe ‘Shp?rdorimi i detyrës’ parashikuar nga nenet 199/a/4 dhe 248 të Kodit Penal, nga shqyrtimi i punimeve të konstatuara në terren, të cilat konsistojnë në ngritjen e strukturës metalike mbajtëse, realizimin e mbulimit dhe soletës me llamarine t valezuar dhe shtrese betoni, ndarjen e ambienteve të brendshme, si dhe përfundimin e fasadës dhe vendosjen e vetratave, rezulton se është krijuar një volum i ri ndërtimor funksional mbi objektin ekzistues.

Veprimet ndërtimore rezultojnë të jenë kryer në mënyrë graduale, të paktën nga periudha para datës 12.05.2025 dhe në vijim deri më 31.03.2026, datë në të cilën gjatë inspektimit të ekspertit u konstatua se objekti kishte arritur fazë të avancuar përfundimi, përfshirë fasadën e jashtme dhe vetratat në pjesën ballore.

Pavarësisht se pasuria është e regjistruar si truall në certifikatën e pronësisë, bazuar në vendimin e legalizimit rezulton se objekti ekzistues është i tipit social-ekonomik (shërbim), dhe si i tillë, edhe punimet e konstatuara lidhen funksionalisht me këtë destinacion, duke konsumuar elementët e veprës penale “Ndërtim i paligjshëm”, për qëllime fitimi parashikuar nga neni 199/a/4 i Kodit Penal nga shtetasi A.P., i cili rezulton pronar i objektit dhe administrator i subjektit juridik.

Sa më sipër, mbi bazën e kërkesës së prokurorisë u vendos masa e sigurimit pasuror “Sekuestro preventive”, parashikuar nga neni 274 i Kodit të Procedurës Penale, për sipërfaqen ndërtimore me përmasa 22.9 m x 13.4 m x 3.5 m, të dyshuar si e ndërtuar pa lejen e organeve kompetente. /CNA





Lajmet e fundit nga