web counter
LEXO PA REKLAMA!

SHKARKO APP

App Store
Google Play

E fundit!

x

Bujqësia, sektori më problematik/ Rama kërkon "ndihmë" nga bankat

13 Maj 2026, 10:48, Aktualitet CNA

Bujqësia, sektori më problematik/ Rama kërkon

Një nga sektorët më problematikë dhe një nga kapitujt më kritikë në procesin e integrimit të Shqipërisë në BE është bujqësia. Përveç kësaj, është parë një reagim i fermerëve përmes protestave për mungesën e mbështetjes, sipas tyre, nga qeveria, për heqjen e subvencioneve dhe naftës pa taksa.

Ndërkohë sot gjatë firmosjes së marrëveshjes ndërmjet shtetit, sistemit bankar dhe sipërmarrjes shqiptare për programin “Dyfisho Sipërmarrjen Tënde”, kryeministri Edi Rama ka kërkuar nga bankat që të jenë më kurajoze për sektorin e bujqësisë.

“Pas firmosjes së kësaj marrëveshjeje do të futet në zbatim një program i cili ju hap të gjithëve një derë për të dyfishuar sipërmarrjen e tyre, bazuar në planin e biznesit dhe komponentët e tjerë. Pesë vjet më parë kredia në Shqipëri ka qenë rreth 5 miliardë euro. Sot pas 5 vjetësh është 10 miliardë euro. Jemi në dyfishim të kapacitetit financues nga bankat e nivelit të dytë. Ekonomia është në gjendje të shëndetshme dhe potencial rritjeje të mëtejshme.

Kreditë e këqija kanë rënë në nivele të papërfillshme. Për ndërmarrjet e vogla dhe të mesme do të vihet një linje kredie me një interes minimal 2% dhe maksimal 3%. Kërkojmë bashkëpunim dhe solidaritet nga ana juaj, por natyrisht e shoqëruar me garanci të qeverisë për të ulur riskun e kredisë për bankën. Një garanci sovrane nga 30-70% sipas nivelit të vlerësuar të riskut. Bankat duhet të jenë pak më kurajoze edhe me sektorin e bujqësisë, ku risku është i lartë. Edhe një fond granti për të hartuar planet e biznesit për të ndihmuar të bëjnë aplikimet do t’ju vijë si vlerë e shtuar në lehtësimin e marrëdhënies mes subjekteve dhe bankave”, u shpreh Rama.

Nga ana tjetër opozita ka akuzuar vazhdimisht qeverinë për heqjen e mbështetjes për fermerët dhe bujqësinë duke thënë se kanë vjedhur miliona euro nga fondet e BE-së për këtë sektor. Berisha është shprehur në deklaratat e tij se qeveria u vodhi 134 milionë euro fermerëve, fonde të BE-së që ishin destinuar për sektorin e bujqësisë. /CNA





Lajmet e fundit nga