web counter
LEXO PA REKLAMA!

SHKARKO APP

App Store
Google Play

E fundit!

x

Ndrenika në gjyqin e Veliajt/ Malaj: Nuk bëri aktrimin e radhës, ishte një raport personal

12 Maj 2026, 22:44, Aktualitet CNA

Ndrenika në gjyqin e Veliajt/ Malaj: Nuk bëri aktrimin e radhës,

Sociologia Nora Malaj e ftuar në emisionin “Now” me Erla Mëhillin ka folur për debatin e ditëve të fundit mbi praninë e aktorit Robert Ndrenika në seancën gjyqësore në Administrative, të kryebashkiakut Erion Veliaj.

Malaj u shpreh se aktorit nuk mund t'i bëhet gjyq popullor pasi është diçka shumë personale.

Sociologia tha se Ndrenik nuk bëri aktrimin e radhës, por ishte një raport që u artikulua qartë, raportin e një qytetari, ndoshta me ca detyrime që nuk dihen.

 

“Kam parë këto 3-4 ditë një zhurmë shumë të madhe, ndërtuar mbi këtë situatë, që ka 3 elementë. Nëse do futeshin në lëkurën e Ndrenikës si figurë e madhe e kinemasë, duhet të kuptonin që me individë të ndryshëm është shumë personale, nuk mund t’i bëjmë gjyq popullor. Ndjeva te ata që gjykonin në portale një keqdashësi, duke parë veten e tyre në pritjen që Roberti të mbronte teatrin dhe kur s’e mbrojti dot e quajtën tradhtar, por ata nuk lëvizën nga shtëpia dhe tani u riquajt prapë tradhtar.

Asnjë nuk e di çfarë raporti kanë në planin personal. Unë ta garantoj, ishte thjesht leksiku i një burri të një moshe, që imazhi i tij ishte te djali, jo biologjik. Ishte një raport që u artikulua qartë në pak fjalë, nuk bëri aktrimin e radhës. Nëse e lexon edhe nga gjuha e trupit, Berti në këtë moment është një qytetar që ka një raport, një emocion që ka ca detyrime që nuk i dimë dhe që në fund të ditës nuk kemi pse marrim gurin dhe t’i godasim”, tha Malaj.





Lajmet e fundit nga