web counter
LEXO PA REKLAMA!

SHKARKO APP

App Store
Google Play

E fundit!

x

Meta zbulon simbolin e numrit 7 në seancë

12 Maj 2026, 16:16, Aktualitet CNA

Meta zbulon simbolin e numrit 7 në seancë

Kreu i Partisë së Lirisë, Ilir Meta, me anë të një postimi në rrjetet sociale, ka shpjeguar simbolikën e numrit 7, të bërë në seancën e 11 majit në GJKKO.

Meta shkruan se simbolin me numrin 7 ua ka drejtuar deputetëve të pranishëm në lidhje me standardet e ndarjes me xham në seancë, për të cilat shkruan se ishin me 7 yje.

Në reagimin e bërë, Meta shpreh falënderime për Partinë Demokratike dhe drejtuesin e saj, Sali Berisha, për solidaritetin e treguar ndaj tij.

 

“Deri tani në hapësirën gjeografike, midis Ishujve Azore dhe Vladivostokut, jam i vetmi i burgosur politik që nuk lejohet të intervistohet drejtpërdrejt nga gazetarët edhe pse disa prej tyre kanë marrë leje nga SPAK.

Lidhur me simbolin me numrin 7, avokati nuk pati mundësi ta dëgjonte sepse unë ju drejtova deputetëve të pranishëm se standardet e kafazit, nuk ishin me 5 yje por me 7 yje.

I vetmi problem që ndodhi dje, meqënëse ishte inauguruar dhe salla e re, kishte të bënte me kondicionerin sepse filloi të rridhte ujë nga tavani, sikur të binte shi, ndoshta ngaqë nuk është kolauduar mirëmbajtja e sallës akoma.

Një sqarim tjetër, në vijim të interesimit tuaj, është se jam shumë falenderues ndaj Partisë Demokratike dhe liderit të saj, Prof. Dr. Sali Berisha për solidaritetin e tij dhe deputetëve demokratë, po kështu edhe për ndërkombëtarizimin prej tij të çështjes time”, shkruan Meta.





Lajmet e fundit nga