web counter
LEXO PA REKLAMA!

SHKARKO APP

App Store
Google Play

E fundit!

x

"50 lekë për litër karburant për transportin publik"/ Qeveria miraton masën e subvencionimit

13 Maj 2026, 13:20, Aktualitet CNA

"50 lekë për litër karburant për transportin

Ministri i Infrastrukturës dhe Energjisë, Enea Karakaçi, ka folur për mediat lidhur me vendimet e miratuara në mbledhjen e sotme të qeverisë. Karakaçi u shpreh se një nga aktet e miratuara ishte masa e subvencionimit për transportin qytetas, ndërqytetas dhe rrethqytetas.

Ky kompensim sipas ministrit do të jetë në masën 50 lekë/litër për të gjitha shoqëritë e transportit publik. Ndër të tjera shtoi se kjo masë subvencionuese do të fillojë që në muajin mars.

"Kaluam disa akte të Ministrisë së Infrastrukturës dhe Energjisë, por në atë që do të ndalem sot është më e rëndësishme. Kemi miratuar masën e subvencionimit për transportin qytetas, ndërqytetas dhe rrethqytetas. Para rreth një muaji ne jemi ulur me shoqëritë e transportit dhe me përfaqësues të bashkive dhe Ministrinë e Ekonomisë dhe kemi dëgjuar problematikat e tyre. Në këto takime dhamë fjalën se do kishim një masë subvencion dhe sot e miratuam. Bëhet fjalë për një kompensim në masën 50 lekë/ litër për të gjitha shoqëritë e transportit publik. Një tjetër lajm i mirë është se këtë masë subvencionuese do ta fillojmë që në muajin mars kur kishim dhe fillimin e efekteve të krizës”, tha Karakaçi. /CNA





Lajmet e fundit nga