web counter
LEXO PA REKLAMA!

SHKARKO APP

App Store
Google Play

E fundit!

x

Raporti IBAR/ Kikia: Shpresonim që përqafimet e Kos me Ramën ishin tregues se do të anëtarësoheshim

13 Maj 2026, 17:46, Aktualitet CNA

Raporti IBAR/ Kikia: Shpresonim që përqafimet e Kos me Ramën

Analisti Mentor Kikia në një dalje televizive ka folur për raportin e IBAR dhe negociatat me BE.

Kikia tha se me hapjen e të gjithë grupkapitujve mbaroi dhe “festa” për Shqipërinë, pasi tani ka filluar faza e ekspertëve dhe këta të fundit janë të ftohtë sa i përket plotësimit të kushteve.

Analisti duke u ndalur te raporti i PE i miratuar pak ditë më parë, tha se Europa ishte e qartë, nuk do të ketë integrim me status të ndrëmjetëm, vetëm anëtarësim me të drejta të plota.

 

“Jemi në kushtet ku kemi hapur të gjithë grupkapitujt. Duhet theksuar që në Bruksel ka pasur një dakordësi politike të jashtëzakonshme për Shqipërinë. Historia mbaroi me hapjen e të gjithë grupkapitujve dhe këtu mbaroi dhe festa. Pas kësaj në Bruksel ka filluar korrektesa. Shpresonim që përqafimet e Kos me Ramën ishin tregues se Shqipëria do të hynte në BE sepse ata na duan, në mos nga dera nga dritarja. Raporti i PE i miratuar vetëm pak ditë më parë, ishte i qartë. Nuk do të ketë asnjë status të ndërmjetëm, vetëm anëtarësim me të drejta të plota nga përmbushja e të gjitha kërkesave. Ky ishte momenti i thyerjes së parë, te ne, sepese Brukseli ishte në pozicionin e vet. Ata treguan dashamirësi maksimale dhe ne u keqkuptuam. Bllokimi nuk lidhet me vullnetin e një vendi të vetëm. Ne duhet të përmbyllim procesin e negociatave. Tani është radha e ekspertëve dhe ekspertët janë të ftohtë”, tha Kikia.





Lajmet e fundit nga