web counter
LEXO PA REKLAMA!

SHKARKO APP

App Store
Google Play

E fundit!

x

Financimi i partive politike/ ODIHR: Të ketë transparencë dhe kontrolle mbi donacionet

14 Maj 2026, 13:47, Aktualitet CNA

Financimi i partive politike/ ODIHR: Të ketë transparencë dhe

OSBE/ODIHR ka publikuar së fundmi Opinionin Urgjent të Ndërmjetëm për projektligjin e ri “Për financimin e partive politike” në Shqipëri, i kërkuar në fillim të prillit nga Komisioni i Posaçëm i Reformës Zgjedhore.

Sipas dokumentit, projektligji vlerësohet si një hap pozitiv drejt modernizimit të kuadrit ligjor dhe rritjes së transparencës në jetën politike të vendit.

ODIHR thekson se drafti krijon një strukturë më të detajuar për deklarimin e të ardhurave, financimeve dhe shpenzimeve të partive politike. Një nga risitë kryesore është krijimi i Platformës Elektronike të Raportimit, që synon publikimin në kohë reale të të dhënave financiare.

Gjithashtu projektligji parashikon forcimin e rolit të Komisionit Qendror të Zgjedhjeve në auditimin dhe monitorimin e financave partiake. ODIHR vlerëson edhe kufizimet më të forta për transaksionet cash, si dhe forcimin e mekanizmave të kontrollit të brendshëm dhe të jashtëm.

Ndërkohë, propozohet që 5% e grantit publik të përdoret për promovimin e barazisë gjinore dhe rritjen e pjesëmarrjes së të rinjve në politikë.

Megjithatë, pavarësisht vlerësimeve pozitive, ODIHR paralajmëron se projektligji nuk garanton mbrojtje të mjaftueshme ndaj financimeve indirekte dhe përdorimit të “donatorëve fiktivë”, të cilët mund të shfrytëzohen për të anashkaluar kufijtë ligjorë të donacioneve.

Ekspertët kërkojnë gjithashtu më shumë transparencë mbi pronarët përfitues të kompanive donatore, rregulla më të qarta për huatë politike dhe sanksione proporcionale për shkeljet financiare.

Sipas raportit, suksesi i reformës do të varet nga fuqizimi i KQZ-së me burime të mjaftueshme dhe kompetenca hetimore.

Opinioni vjen në një moment kyç për procesin e integrimit europian të Shqipërisë dhe përpjekjet në luftën kundër korrupsionit. /CNA





Lajmet e fundit nga