web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta mbi integrimin në BE/ Vokshi-mazhorancës: Zbatojeni, mos e lini vetëm në letër

14 Maj 2026, 11:36, Aktualitet CNA

Rezoluta mbi integrimin në BE/ Vokshi-mazhorancës: Zbatojeni, mos e

Deputetja e PD-së, Albana Vokshi, ka mbajtur fjalën e saj në seancë plenare ku ka folur për projektrezolutën mbi procesin e integrimit europian të vendit.

Vokshi u shpreh se kjo është rezoluta e parë prej disa vitesh që arrihet me konsensus dhe sipas saj është 90% kontribut i punës së opozitës.

Ajo shtoi se raporti i sjellë nga Këshilli i Ministrave ishte ndër më të dobëtit dhe që nuk i jepte përgjigje asnjëlloj çështjeje. Ndër të tjera duke iu drejtuar mazhorancës, ajo tha se shpreson se kjo rezolutë nuk do të mbetet vetëm në letër, por do të zbatohet.

“Rezoluta e parë në vitet e fundit që arrihet me konsensus, falë kontributit të opozitës. Kjo projektrezolutë që uroj të miratohet në fund të seancës është 90% kontribut i opozitës. Ja çfarë ndodh kur opozita nuk përjashtohet, por i jepet vendi, i merret mendimi dhe del një produkt ku përmenden të gjitha problematikat që raporti vjetor i Këshillit të Ministrave nuk i prek.

Ne kemi dalë përtej këtij raporti të Këshillit të Ministrave. Rezoluta bazohet mbi raportin e sjellë që është ndër më të dobëtit ndonjëherë. Nuk i jepet përgjigje asnjë çështjeje dhe nuk informon publikun. Kjo është arsyeja pse të gjithë procesin e mbani sekret. Kryeministri nuk mund të krijojë agjenda integrimi më vete. Duhet të vijë këtu.

Kjo është arsyeja pse Mali i Zi do të hyjë shumë më parë se Shqipëria në BE. Një proces që po e mbani hermetik. Pse nuk i publikoni kushtet? Ça sekreti mbani? Ça u fshihni qytetarëve? A do t'i përmbaheni rezolutës së cilës po miratohet sot? Shpresoj që të mos mbetet vetëm në letër. Keni shënuar njollë të zezë në procesin e integrimit. Keni bllokuar raportin e IBAR-it dhe procesin e integrimit", tha Vokshi. /CNA





Lajmet e fundit nga