web counter
LEXO PA REKLAMA!

SHKARKO APP

App Store
Google Play

E fundit!

x

Helmimi i studentëve tek Akademia e Sigurisë/ Makaronat me baktere, AKU bllokon subjektin "Sori-Al"

14 Maj 2026, 14:29, Aktualitet CNA

Helmimi i studentëve tek Akademia e Sigurisë/ Makaronat me baktere,

Autoritet Kombëtar i Ushqimit ka bërë me dije se kanë dalë rezultatet e analizave të mostrave të ushqimeve të marra nga Akademia e Sigurisë ku u helmuan 52 studentë.

Bëhet me dije nga analizat e laboratorit të Referencës ISUV, tetë prej mostrave ishin brenda normave të lejuara, ndërsa një mostër makarone, produkt i gatshëm i marrë në kuzhinën e Akademisë së Sigurisë, rezultoi jokonforme për shkak të ngarkesës mbi normë me bakteret E Coli dhe stafilokok.

Si rezultat, AKU ka njoftuar ndërprerjen e aktivitetit për subjektin “SORI-AL” dhe në adresën Garnizoni “Skënderbej” pranë Forcave të Armatosura. Gjithashtu ka gjobitur subjektin me vlerën e 1,500,000 lekëve për ushqim të pasigurt dhe kushte higjieno-sanitare.

Njoftimi i plotë:

Autoriteti Kombëtar i Ushqimit në vijim të informimit publik dhe transparencës bën me dije, se referuar çështjes për dyshim helmimi të disa kursantëve pranë Akademisë së Sigurisë, Sauk, nga AKU janë kampionuar nëntë mostra (lëndë të para dhe produkte të gatshme).

 Nga laboratori i Referencës ISUV informohemi se tetë mostra të kampionuara kanë dalë brenda normave dhe një kampion makarona produkt i gatshëm ka rezultuar jokonform për ngarkesë mbi norme Escherichia.Coli dhe B staphylocoçus koagulaze pozitive, mostër kjo e kampionuar në kuzhinën brenda ambienteve të Akademisë së Sigurisë, Sauk.

 Për këto gjetje AKU mori masën e ndërprerjes së aktivitetit, deri në plotësimin e kërkesave ligjore nga OBU për pastrimin dhe dezinfektimin e ambienteve dhe pajisjeve të punës.

Në vijim të ndjekjes së gjurmueshmërisë, në adresën Garnizoni “Skënderbej” pranë Forcave të Armatosura, ku është kryer prodhimi i këtyre produkteve, referuar  konstatimeve  të  institucioneve shëndetësore, mbi raportin përfundimtar të hetimit epidemiologjik për rezultatet jokonforme për tregues të higjenës, evidentuar në kampionët në ruajtje si dhe në disa prej pajisjeve të punës,

AKU mori masa për ndërprerjen e aktivitetit të subjektit SORI-AL edhe në adresën Garnizoni “Skënderbej” pranë Forcave të Armatosura.

Gjithashtu u vendos masë administrative me gjobë në vlerën 1,500,000 lekëve për ushqim të pasigurt dhe kushte higjieno-sanitare.

Subjektit iu la detyrë marrja e masave për kryerjen e procedurës së asgjësimit referuar produktit të bllokuar rezultuar jo konform. /CNA





Lajmet e fundit nga