web counter
LEXO PA REKLAMA!

SHKARKO APP

App Store
Google Play

E fundit!

x

Berisha përgënjeshtron gazetarin gjobëvënës: Shpifësi i dënuar dhe Carlo Bollino do të përballen me ligjin

14 Maj 2026, 14:01, Aktualitet CNA

Berisha përgënjeshtron gazetarin gjobëvënës:

Kreu i PD-së, Sali Berisha, ka përgënjeshtruar akuzat e gjobëvënësit dhe shpifësit Adriatik Doçi, i cili ka pretenduar se kryetari i PD-së ka 40 shtëpi dhe është politikani më i korruptuar në Ballkan.

Berisha thekson se gjobëvënësi dhe shpifësi profesionist, i dënuar dhe i vërtetuar nga organet zyrtare, Adriatik Doçi, ka lëshuar shpifjen e radhës sipas oreksit të tij dhe padronëve të tij.

Berisha thotë se së pari është politikani i vetëm që i është nënshtruar një vetingu të plotë 35-vjeçar nga kundërshtarët e tij.

Po ashtu ish-kryeministri deklaron se ky veting ka vërtetuar se, gjatë 35 viteve të tij në politikë, së bashku me bashkëshorten, kanë gjithsej rreth 100 mijë euro kursime nga 55 vite punë dhe një apartament vetëm 40 m2 më të madh se ai që dispononin gjatë viteve të diktaturës.

Më tej nënvizon se fëmijët e tij, si subjekte të deklarimit të të ardhurave në ILDKPI, nuk kanë përfituar kurrë nga fondet apo pasuritë publike.

Në fund Berisha paralajmëron se shpifësi i dënuar, Adriatik Doçi, dhe plaçkitësi i 4,500 m2 tokë të caktuar për gjimnaz, Carlo Bollino, do të përballen me ligjin.

“Përgënjeshtrim.

Sot, një gjobëvënës i vërtetuar dhe shpifës i dënuar, zëdhënës jozyrtar i Linda Ramës, Adriatik Doçi, shkruan në gazetën e të damkosurit Carlo Bollino që përmes firmave të Edi Ramës ka plaçkitur me 1 euro 4,500 metra katrorë tokë (të cilën pronarët me bujari e kishin dhënë për ndërtimin e një gjimnazi për komunitetin).

Ai pretendon se Berisha 'është me 40 shtëpi dhe politikani më i pasur e më i korruptuar në Ballkan'.

Lidhur me sa më sipër, deklaroj si vijon:

1. Gjobëvënësi dhe shpifësi profesionist, i dënuar dhe i vërtetuar nga organet zyrtare, Adriatik Doçi, ka lëshuar shpifjen e radhës sipas oreksit të tij dhe padronëve të tij.

2. Sali Berisha është sot politikani i vetëm që i është nënshtruar një vetingu të plotë 35-vjeçar nga kundërshtarët e tij.

3. Ky veting ka vërtetuar se Sali Berisha, gjatë 35 viteve të tij në politikë, së bashku me bashkëshorten, kanë gjithsej rreth 100 mijë euro kursime nga 55 vite punë dhe një apartament vetëm 40 m2 më të madh se ai që dispononin gjatë viteve të diktaturës.

4. Ky veting ka provuar se fëmijët e Sali Berishës, si subjekte të deklarimit të të ardhurave në ILDKPI, nuk kanë përfituar kurrë nga fondet apo pasuritë publike, kanë respektuar plotësisht ligjin dhe kanë deklaruar me rigorozitet të gjitha pasuritë e tyre siç e kërkonte ligji.

5. Për të gjitha këto trillime të ulëta, shpifësi i dënuar, Adriatik Doçi, dhe plaçkitësi i 4,500 m2 tokë të caktuar për gjimnaz, mafiozi Carlo Bollino, do të përballen me ligjin”, ka deklaruar Berisha përmes një postimi në rrjetet sociale./ CNA





Lajmet e fundit nga