web counter
LEXO PA REKLAMA!

SHKARKO APP

App Store
Google Play

E fundit!

x

"Një nga momentet më të rënda"/ Karçanaj rrëfen njohjen dhe raportet me Ergys Agasin

14 Maj 2026, 22:32, Aktualitet CNA

"Një nga momentet më të rënda"/ Karçanaj

Ish-drejtoresha e AKSHI-t, Mirlinda Karçanaj në reagimin e parë pasi u mor e pandehur, ka folur dhe për njohjen me Ergys Agasin. Në një intervistë në Top Channel, Karçanaj ka treguar se Agasin e ka njohur në kohën kur ai ishte funksionar i administratës publike dhe ka pasur një marrëdhënie si me të gjithë drejtuesit apo përfaqësuesit e institucioneve. Më tej, Karçanaj tha se kontaktet nuk mund të shndërrohen në marrëdhënie personale dhe as në përgjegjësi penale.

Karçanaj u shpreh se i takon akuzës të hetojë se kush ka faj dhe kush jo, ajo vetë nuk mund ta thotë.

Sa i përket videos që qarkulloi në medie, ku ishte protagoniste Karçanaj dhe Ergys Agasi, ish-drejtoresha e AKSHI-t tha se për takimin e ndodhur në atë video ka folur që herën e parë që është marrë në pyetje.

Karçanaj deklaroi se në dëshminë e saj në prokurori ka sqaruar rrethanat dhe kontekstin e takimit me Agasin në videon e publikuar.

 

“Ergys Agasin e kam njohur në kohën që ai ka qenë në administratë. Marrëdhënia me të ka qenë si me të gjithë drejtuesit apo përfaqësuesit e institucioneve. Korrekte dhe asgjë më shumë. Në funksione publike është e domosdoshme të kesh kontakte, sepse në të kundërt nuk realizohet puna. Por këto kontakte nuk mund të shndërrohen as në marrëdhënie personale as në ndikime dhe akoma më pak në përgjegjësi penale. Mund të ketë faj, nuk më takon mua ta them këtë. I takon akuzës të hetojë duke analizuar të gjitha provat dhe dokumentet dhe pastaj të dalë në përfundime. Unë mund të flas vetëm për veten, për përgjithësinë do të flasë akuza. Një nga momentet më të rënda të kësaj historie është mënyra se si një fragment i shkëputur dhe pa kontekst të plotë u mor dhe u kthye në një nga krimet e supozuara. Ishte një takim që e kam deklaruar që herën e parë që u mora në pyetje. Sqarova çfarë është thënë, sqarova kontekstin dhe rrethanat”, tha Karçanaj.





Lajmet e fundit nga