web counter
LEXO PA REKLAMA!

SHKARKO APP

App Store
Google Play

E fundit!

x

“Jo vetëm në emër të integrimit”/ Sejamini: Kuvendi është kthyer në makineri ku miratohen ligje me seri

14 Maj 2026, 22:22, Aktualitet CNA

“Jo vetëm në emër të integrimit”/ Sejamini:

Gazetari Neritan Sejamini shprehu sot një këndvështrim ndryshe lidhur me miratimin e Rezolutës së Integrimit.

I ftuar në A2 CNN, Sejamini u shpreh se më thelbësore për Kuvendin është respektimi i disa detyrimeve thelbësore, përtej miratimit të ligjeve të caktuara vetëm në emër të rrugëtimit drejt Bashkimit Europian.

Sipas gazetarit, Kuvendi duhet t’i kërkojë qeverisë dhe të bëjë publik pozicionin negociues të Shqipërisë me BE-në në të gjitha fushat,të shfuqizojë të gjitha ligjet që janë vënë kusht nga BE-ja, të vendosë procedura transparente për ato ligje që do miratohen në emër të integrimit në BE, hapa që sipas tij, janë më efektive se 100 rezoluta së bashku.  

“Parlamenti ka disa detyra thelbësore, nuk merret fare me këto, por bën rezoluta. Ky Kuvend është bërë një makineri ku miratohen ligje me seri, pa parë fare se çfarë po miratohet. Vijnë ligjet nga jashtë, shkelet procedura parlamentare dhe i miraton në seri. Parlamenti ka detyra që ne të integrohemi: t’i kërkojë qeverisë dhe të bëjë publik pozicionin negociues të Shqipërisë me BE-në në të gjitha fushat; të shfuqizojë të gjitha ligjet që janë vënë kusht nga BE-ja; të vendosë procedura transparente për ato ligje që do miratohen në emër të integrimit në BE. Po i bëri këto 3 gjëra, atëherë ka bërë një hap drejt integrimit. Nëse nuk i bën, mund të bëjë pastaj 100 rezoluta me nga 140 vota përditë, por nuk do të ndodhë asgjë”,-tha Sejamini./CNA





Lajmet e fundit nga