web counter
LEXO PA REKLAMA!

SHKARKO APP

App Store
Google Play

E fundit!

x

"Shoqëria civile në Shqipëri kontrollohet nga Soros"/ Neza: Nuk kanë as zë e as figurë!

21 Janar 2025, 20:02, Aktualitet CNA
"Shoqëria civile në Shqipëri kontrollohet nga Soros"/
Gazetari Sami Neza

Gazetari Sami Neza ka deklaruar se fondet e qeverisë Amerikane që shpërndahen në Shqipëri, kontrollohen nga Xhorxh Soros dhe organizata e tij.

I ftuar në emisionin e Sonia Meços, Neza u shpreh se në Shqipëri nuk ka organizata të shoqërisë civile që mund të mbijetojnë jashtë ndikimeve të Sorosit.

Ai theksoi faktin se shoqëria civile që kur ka ardhur në pushtet nuk kryen asnjë nga funksionet e saj. 

 “Ka para që kanë kaluar nga qeveria Amerikane tek Xhorxh Soros dhe ai i ka përdorur për të implementuar, apo injektuar politika të vetat të cilat në rastin shqiptar të paktën, kanë treguar se nuk janë as për zhvillimin e demokracisë, as për zhvillimin dhe as nuk ndihmojnë as fjalën e lirë, as tregtinë e lirë e as ekonominë e tregut.

Ato fonde në Shqipëri kanë sjellë një monopolizim të hapësirës së shoqërisë civile, e cila është shumë e rëndësishme. Nëse monopolizon hapësirën e shoqërisë civile, do të thotë se një prej elementëve më të rëndësishëm të demokracisë e ke dominuar dhe e përdor për qëllime të tua.

Shoqëria civile që kur ka ardhur në pushtet nuk ka zë, nuk as figurë dhe nuk kryen as funksionet e saj.

Prej 15 vitesh kam arritur të identifikoj monopolizimin e fondeve dhe të shoqërisë civile në përgjithësi tek duart e Sorosit apo organizatave ombrella të lidhura me Sorosin.

Ka qenë e pamundur dhe po të shikosh sot, ‘tregun’ e shoqërisë civile, do të shikosh se aktorët që vijnë nga jashtë Sorosit gjatë kësaj periudhë 30 e ca vjeçare, që ka operuar në Shqipëri, janë shumë pak, numërohen me gishtat e dorës. Jo se nuk ka pasur njerëz entuziastë që të përfshihen në shoqërinë civile, por nuk kanë ecur dot asnjë hap pa kaluar nëpër ombrellë.

Në Shqipëri nuk ke organizata të shoqërisë civile që mund të mbijetojnë jashtë ndikimeve të Sorosit, është e pamundur”





Lajmet e fundit nga